Беларуская біятланістка Дар’я Домрачава заняла трэцяе месца ў індывідуальнай гонцы на 15 км, якая прайшла 2 снежня ў шведскім Эстерсунде, у першы дзень першага этапу Кубка свету 2009/10.
Беларуска пераадолела дыстанцыю за 44 хвіліны 17,8 секунды, атрымаўшы дзве штрафныя хвіліны. На першым і другім радках — гаспадыні этапу, Хэлена Юнсан (43.01,4; 1 хвіліна штрафу) і Анна‑Карын Улафсан‑Зідек (43.27,6; 2).
Вольга Кудрашова заняла 30‑е месца, Вольга Назарава — 41‑е, Надзея Скардзіна — 46‑е, Людміла Калінчык — 51‑е, Людміла Ананька — 66‑е сярод 112 удзельніц.
3 снежня адбудзецца мужчынская індывідуальная гонка на 20 км. Ад Беларусі выступяць Аляксандр Сыман, Сяргей Новікаў, Рустам Валіўлін, Яўген Абраменка і Міхаіл Сямёнаў.
Каментары