Больш за 91 тысячу беларусаў маюць дакументы на права знаходжання ў Польшчы
Дакументы, якія даюць права жыць у Польшчы, па стане на 30 чэрвеня мелі 91 054 грамадзяніна Беларусі, паведамляе Цэнтр беларускай салідарнасці на падставе адказу, дадзенага на запыт ЦБС Упраўленнем спраў іншаземцаў.
Паводле звестак упраўлення, 35 749 грамадзян Беларусі маюць пастаянны дазвол на жыхарства, 48 063 — часовы дазвол на жыхарства, 5 231 грамадзянін атрымаў дадатковую абарону, 1 022 беларусы маюць дазвол на знаходжанне доўгатэрміновага рэзідэнта ЕС, 445 атрымалі часовую абарону, 463 — статус бежанца. Яшчэ 81 чалавек мае іншыя падставы для пражывання ў Польшчы.
У 2023 годзе беларусы атрымалі 48 тыс. ДНЖ, у тым ліку 3757 «гуманітарных».
Больш за ўсё беларусаў падалі заявы на ДНЖ у Мазавецкім ваяводстве — 16 207, на другім месцы — Падляскае (7036), а на трэцім — Паморскае (4979). Менш за ўсё заяў ад беларусаў было пададзена ў Сілезскім ваяводстве — 1277.
У Цэнтры беларускай салідарнасці адзначаюць, што, «паводле нефармальных ацэнак польскіх дзяржаўных органаў, у Польшчы на гэты момант можа знаходзіцца больш за 300 тысяч грамадзян Беларусі».
«На працягу 30 гадоў незалежнасці беларускамоўныя бюлетэні задавальнялі ўсіх». Камуністы абвінавацілі Бондараву ў распальванні варожасці на моўнай глебе1414
Каментары
>3% ад колькасці насельніцтва Беларусі