На Жытоміршчыне сутыкнуліся два навучальныя самалёты. Загінулі тры пілоты
Сярод іх — вядомы абаронца Украіны Андрэй Пільшчыкаў (Джус).
Вядомы пілот Андрэй Пільшчыкаў (пазыўны «Джус») і яшчэ двое лётчыкаў загінулі ў выніку сутыкнення двух навучальных самалётаў Л-39 увечары 25 жніўня на Жытоміршчыне, паведамляе «Украінская праўда».
Крыніца: суразмоўцы УП ва Узброеных сілах і праваахоўных органах, знаёмы Джуса Павел Пацалункаў і валанцёр Мелані Падаляк у сацсетках.
«Украінская праўда» звярнулася па каментар да прэс-службы камандавання паветраных сіл УСУ. Там адзначылі, што афіцыйны каментар будзе пазней, улічваючы пэўныя абставіны і пачатае следства.
Сябра «Джуса» Павел Пацалункаў напісаў у сацсетках: «Ты марыў пра F-16 і дачакаўся навін аб іх перадачы. Ты любіў сваю птушачку і літаральна жыў небам. Наша знаёмства не было доўгім, аднак я ўдзячны табе за важныя жыццёвыя ўрокі і драйв, які абавязкова застанецца ў паветраных сілах і стане рухаючай сілай важных змяненняў ужо для новага пакалення пілотаў. Вечная памяць, Джусе. Цяпер ты літаральна будзеш трымаць наша неба».
Джус (Андрэй Пільшчыкаў) служыў лётчыкам знішчальніка МіГ-29.
З пачаткам шырокамаштабнага расійскага ўварвання абараняў неба Украіны. Удзельнічаў у паветранай абароне Кіева.
У інтэрв'ю замежным СМІ заклікаў заходніх партнёраў даць Украіне сучасныя знішчальнікі.
Цяпер чытаюць
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек3
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых2323
Каментары