«Карыстаецца абсалютнай падтрымкай насельніцтва». У Крамлі ацанілі перспектывы Пуціна на будучых выбарах
Пуцін пакуль не заяўляў пра ўдзел у наступных выбарах, але адзначаў, што «фармальна дазвол ёсць ад народа».
Прэзідэнт Расіі Уладзімір Пуцін яшчэ не аб'яўляў пра ўдзел у выбарах, але відавочна, што ў выпадку вылучэння яго кандыдатуры скласці канкурэнцыю не зможа ніхто, заявіў прэс-сакратар кіраўніка дзяржавы Дзмітрый Пяскоў у інтэрв'ю РБК.
«Прэзідэнт яшчэ не заяўляў, што будзе вылучаць сваю кандыдатуру. Калі мы выкажам здагадку, што прэзідэнт усё ж такі вылучыць сваю кандыдатуру, то відавочна, што рэальную канкурэнцыю ў нашай краіне на цяперашнім этапе прэзідэнту ніхто скласці не можа», — сказаў Пяскоў.
Ён дадаў, што Пуцін «карыстаецца абсалютнай падтрымкай насельніцтва». «Гэта вялікія магчымасці і вялікая адказнасць», — адзначыў прэс-сакратар.
Выбары прэзідэнта Расіі маюць адбыцца ў сакавіку 2024 года.
У 2020 годзе ў Канстытуцыю Расіі ўнеслі папраўкі. Паводле іх, адна і тая ж асоба не можа займаць пасаду кіраўніка дзяржавы больш за два тэрміны (раней было «больш за два тэрміны запар»). Аднак папраўкі абнулілі тэрміны для Пуціна.
Для Пуціна цяперашні тэрмін ужо чацвёрты з ліку (2000—2008, 2012 — 2024). Ён пакуль не абвяшчаў пра ўдзел у выбарах, але адзначаў, што ў сувязі з прынятымі папраўкамі мае магчымасць балатавацца. «Я для сябе яшчэ не прыняў рашэнне, ці пайду я, ці не пайду на выбары ў 2024 годзе. <…> Але фармальна гэты дазвол ёсць ад народа», — казаў ён у снежні 2020 года.
Раней Пяскоў выказваў упэўненасць, што Пуцін зноў будзе абраны. У жніўні The New York Times апублікавала наступную цытату прэс-сакратара: «Нашы прэзідэнцкія выбары — гэта не зусім дэмакратыя, гэта дарагая бюракратыя. <…> Спадар Пуцін будзе пераабраны ў наступным годзе больш чым з 90% галасоў».
-
ФБР абвінаваціла Паўночную Карэю ў крадзяжы больш як 6 мільярдаў даляраў з Binance
-
Бацькі з Крэмніевай даліны плацяць па $60 тысяч за школы без гаджэтаў. Чаму яны не хочуць для сваіх дзяцей тэхналогій, якія самі ствараюць?
-
Прэзідэнт Фінляндыі расказаў, якія пасланні ад Украіны перадаў Пуціну падчас размовы з ім
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1414
Каментары