Лукашэнка распавёў пра два праекты, якія абмяркоўваў учора з Пуціным па тэлефоне
Аляксандр Лукашэнка на сустрэчы з губернатарам Ленінградскай вобласці Аляксандрам Драздзенкам расказаў аб тэлефоннай размове з прэзідэнтам Расіі Уладзімірам Пуціным, якая адбылася напярэдадні і падчас якой абмяркоўвалася рэалізацыя двух праектаў.
Першы праект — гэта сумесная вытворчасць і абслугоўванне самалётаў.
«Гаворка ішла аб сумеснай вытворчасці самалётаў невялікай умяшчальнасцю, якія вельмі запатрабаваныя і патрэбныя ў Расійскай Федэрацыі. Як сказаў прэзідэнт Расіі: ад буйных аэрапортаў да далёкіх пасёлкаў, рэгіёнаў такія самалёты запатрабаваныя, тым больш яны могуць ажыццяўляць пасадку на грунт», — растлумачыў Лукашэнка.
На яго думку, Беларусь валодае адпаведнымі кампетэнцыямі, таму Пуцін прапанаваў гэты самалёт пабудаваць разам з беларускім бокам, а таксама больш інтэнсіўна асвойваць вытворчасць асобных кампанентаў для Іл-96 і абслугоўваць іх у Беларусі.
«Мы гэта можам зрабіць. Гэта вельмі вялікі кавалак працы», — сказаў Лукашэнка.
Яшчэ адзін праект, які абмеркавалі Лукашэнка і Пуцін, — гэта будаўніцтва другой чыгуначнай веткі ад Беларусі на Санкт-Пецярбург і вобласць для таго, каб была магчымасць перавозіць вялікія абʼёмы грузаў у расійскія парты і «адтуль працаваць на ўвесь свет».
«Вы разумееце, што для нас гэта вельмі важна. Мы займаемся партовым будаўніцтвам там, інфраструктурай. Але вузкае месца ў нас — чыгунка», — сказаў Лукашэнка губернатару Ленінградскай вобласці.
У чэрвені стала вядома, што Беларусь адмовілася будаваць свой порт у Расіі пасля закрыцця праз санкцыі доступу да марскіх партоў у Балтыі, а будзе выкарыстоўваць для экспарту сваіх грузаў сетку расійскіх марскіх партоў.
Васкрасенскі патлумачыў, што Лукашэнка хоча ў абмен на палітвязняў. І пахваліў Усава, Балкунца і Гарбунову30
Каментары