«Адразу падумала, гэта Чарнобыльская зона». Відэа з беларускага аграгарадка пужае беспрасветнасцю
Сяргеевічы — аграгарадок у Пухавіцкім раёне Мінскай вобласці. Месціцца за 58 кіламетраў ад Мінска. Відэа ў тыктоку адтуль сабрала больш за 120 тысяч праглядаў і каля 800 каментароў. Карыстальнікі назвалі гэта месца беларускім Сайлент Хілам.
На апублікаваным у тыктоку відэа — беларускі аграгарадок, то-бок не закінутая вёска. Менавіта за аграгарадкамі бачыць будучыню Аляксандр Лукашэнка, пра што ён нядаўна казаў. Закінутыя дамы, паваленыя платы, забітыя вокны, шэрасць і бязлюднасць — такім пабачыў Сяргеевічы аўтар відэа.
Шмат хто з чытачоў стаў вінаваціць саміх жыхароў у такім стане.
«Можна каля дома навесці парадак. Месца для агароду ёсць, каб сваё было. Самі давялі, працаваць не жадаюць».
«А калі пакасіць, парадак навесці ў двары, дзе жывеш, цюль чыстую павесіць, і ўжо выгляд зменіцца, клумбы нідзе няма. Гэта залежыць ад жыхароў», — пісалі такое адны.
Другія тлумачылі, што справа ў палітыцы ўладаў, якія давялі беларусаў да такога занядбанага стану.
«Дакладна. І дом пафарбаваць, і ў падʼездзе рамонт зрабіць. На дарозе ямы заладзіць. Самім стварыць прадпрыемствы для працоўных месцаў. Зарплату самім сабе плаціць».
«Які парадак? У падʼездзе ўсе вокны забітыя, людзі ўсё паўцякалі, няма працы. Пра які парадак гаварыць, калі няма што есці?»
«У кожным раёне такіх мора дамоў, яшчэ гадоў 10-15 — і ў калгасах працаваць няма каму будзе».
«Вы думаеце справа ў фасадзе? А можа ў наяўнасці стабільнага і пастаяннага годнага заробку?»
«У маім горадзе двухпавярховікі, у цэнтры горада, без водаправода і каналізацыі да гэтага часу стаяць».
«А па экране нам гавораць, што мы ў шакаладзе…»
«У Віцебскай вобласці гэтак жа».
«Так ва ўсіх абласцях».
«Хутка студэнты падʼедуць па размеркаванні».
«Адразу падумала, гэта Чарнобыльская зона».
«Вось так выглядае стабільнасць».
«Чаму так страшна?»
-
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
-
Беларус з праблемамі з псіхікай стаў у Расіі намінальным дырэктарам. А як справа накрылася, забралі на фронт — у адзін канец
-
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу4
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1717
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх17
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары