У доме № 143/1 на праспекце Незалежнасці ў Мінску затоплена не менш за пяць кватэр, але іх колькасць можа вырасці. Пра гэта распавёў Мінск-Навінам намеснік дырэктара па эксплуатацыі жылфонду ЖКГ Першамайскага раёна Сяргей Шлыкаў.
Паводле яго слоў, першая заяўка аб затапленні паступіла 31 кастрычніка ў 21:24. Гарадская аварыйная служба выявіла і лакалізавала цечу стаяка халоднай вады на тэхнічным паверсе. На наступны дзень быў праведзены рамонт, водазабеспячэнне было адноўлена.
У кватэрах часткова адключылі электрычнасць, каб не было кароткага замыкання.
«Цяпер спецыялісты ЖЭУ правяраюць стан праводкі, там, дзе яна высахла, аднаўляюць падачу электраэнергіі», — сказаў Шлыкаў.
Па словах прадстаўніка ЖКГ, пасля поўнага высыхання кватэр будуць складзеныя акты заліцця. Уласнікам прапануюць варыянты кампенсацыі.
«З уласнікамі кожнай кватэры спосаб кампенсацыі будзе ўзгадняцца індывідуальна: калі хтосьці пажадае грашовую кампенсацыю, ЖЭУ прадаставіць яе, калі хтосьці захоча, каб жыллёвая арганізацыя выканала рамонт, ён будзе зроблены»,-сказаў Шлыкаў.
Пра выпадак у доме ў мікрараёне «Усход» стала вядома сёння раніцай, нагадвае Reform.by: у 16-павярховым доме прарвала трубу на 6-м паверсе. У доме адключылі электрычнасць. Жыхары былі вымушаныя эвакуявацца.
Цяпер чытаюць
Пашпарты беларусаў, якія галасуюць на выбарах у КР, апрацуе кампанія, у якой апошнюю ўцечку выявілі ў 2026-м, а заснавальнікі — расіяне62
Каментары