Упершыню пасля пачатку вайны Ізраіля супраць ХАМАС кіраўнік Дзярждэпартамента ЗША Энтані Блінкен наведаў палесцінскага лідара Махмуда Абаса ў горадзе Рамалах.

Кіраўнік Дзярждэпартамента ЗША Энтані Блінкен у нядзелю, 5 лістапада, нечакана зноў прыбыў у Ізраіль, яго самалёт прызямліўся раніцай у Тэль-Авіве.
Пазней Блінкен адправіўся ў Рамалах на Заходнім беразе ракі Іардан, дзе сустрэўся з кіраўніком Палесцінскай нацыянальнай адміністрацыі (ПНА) Махмудам Абасам.
Гэта першы яго візіт на палесцінскія тэрыторыі пасля тэрарыстычнага нападу ХАМАС на Ізраіль 7 кастрычніка. Адным з пытанняў сустрэчы была будучыня сектара Газа пасля заканчэння вайны. Раней Блінкен заявіў, што сектар Газа павінен будзе перайсці пад кантроль ПНА, піша Deutsche Welle.
Цяпер чытаюць
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»
Каментары