На 98-м годзе жыцця ў Тэль-Авіве памёр Аўром (Аўрагам) Суцкевер, уражэнец Смаргоні, адзін з выбітных паэтаў другой паловы ХХ ст. Суцкевер пісаў на ідышы, мове, якой ён трымаўся ўсё жыццё.
Нарадзіўся Суцкевер у Смаргоні ў 1913 годзе, адкуль праз 2 гады яго і яго сям'ю дэпартавалі ў Сібір (па Смаргоні праходзіла дэмаркацыйная зона паміж Нямеччынай і Расіяй). У 1920 годзе вярнуўся ў Вільню, дзе пачаў пісаць вершы на старагабрэйскай мове, іўрыце, але хутка перайшоў на больш звыклы для тых часоў ідыш.
Трапіў у Віленскае гета, дзе зрабіўся сябрам баявой арганізацыі, а ў конадзень ліквідацыі гета сышоў да партызанаў і ваяваў у Нарачанскіх лясах. У савецкіх партызанах напісаў паэму «Усе клятвы», якая зрабіла нагэтулькі моцнае ўражанне на сябраў Антыфашысцкага габрэйскага камітэту, што па паэта з Масквы паслалі спецрэйсам самалёт. У Маскве Суцкевер пасябраваў з Эрэнбургам і Пастэрнакам.
Пасля вайны Суцкевер выступіў сведкам на Нюрнбергскам працэсе, а ў 1948 Суцкевер, адданы камуніст, праз нязгоду з савецкім урадам па габрэйскім пытанні, пры дапамозе Голды Мэір, пераехаў у Ізраіль.
У Ізраілі заснаваў часопіс «Ды Голдэнэ кейт» («Залаты ланцуг»), які быў прытулкам для парэштак сусветнай ідышскай культуры і літаратуры, і да 1998 года быў яго незаступным рэдактарам. Пісаў вершы збольшага пра Галакост, выдаў кнігу ўспамінаў «З віленскага гета».
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам8
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі1818
Каментары