Шэсць планет хутка стануць у адзін шэраг. Калі назіраць падзею?
На працягу некалькіх дзён у пачатку чэрвеня адбудзецца парад шасці планет — Меркурыя, Марса, Юпітэра, Нептуна, Сатурна і Урана, якія «збяруцца» па адзін бок ад Сонца.
Планеты размесцяцца па дыяганалі, дзе Сатурн будзе віднецца вышэй за астатніх, а пасля яго — Нептун, Марс, Уран і Меркурый, паведамляе The Guardian. Бліжэй за ўсё да гарызонту зямлі будзе Юпітэр.
Лепш за ўсё на ранішнім небе 3 чэрвеня будзе бачны Марс. Назіраць за аранжавым святлом планеты, якая размясцілася паблізу месяца, чалавецтва зможа каля 4-й раніцы.
Падзея будзе адбывацца на досвітку надзвычай нізка на ўсходзе. Таму для таго, каб убачыць замаскіраваныя яркім ранішнім святлом Меркурый і Юпітэр, прыйдзецца выкарыстоўваць бінокль. Перашкоды, такія як аддаленыя будынкі або дрэвы, таксама абцяжарваюць назіранне.
Сатурн узыдзе на гарызонт каля 2 гадзіны ночы, але лепш за ўсё яго будзе відаць тады, калі неба пачне святлець. Аднак назіраць за кольцамі планеты не атрымаецца — без спецыяльных прыбораў будзе даступна толькі адносна яркае жаўтавае святло Сатурна.
Уран будзе бачны няўзброеным вокам, але толькі ў цёмным небе.
Наступная па аддаленасці планета — Нептун, размешчаны яшчэ далей ад Сонца. Падчас параду ён будзе ўшасцёра цямнейшы за Уран, таму ўбачыць планету атрымаецца толькі пры выкарыстанні аптычных прыбораў і зорнай карты.
Чакаецца, што з'ява будзе доўжыцца некалькі дзён, у той час як адны і тыя ж планеты будуць выраўнаваныя — хоць і ў іншым парадку — у жніўні і студзені 2025 года, аднак ідэнтычны парад прыйдзецца чакаць значна даўжэй.
«На працягу наступных некалькіх гадоў будзе нямала падобных падзей, бо знешнія планеты рухаюцца даволі павольна, а Зямля рухаецца хутка», — сказаў доктар Грант Кенедзі з Універсітэта Уорыка (Вялікабрытанія).
Доктар Эд Блумер, астраном з Каралеўскай абсерваторыі Грынвіча ў Вялікабрытаніі, перасцярог назіральнікаў за планетамі не глядзець на Сонца падчас пошуку параду ў ранішнім небе. Гэта дапаможа прадухіліць пашкоджанне вачэй.
Інструктар і запрошаны лектар планетарыя Нью-Ёрка Хайдэн рэкамендуе дачакацца параду, які адбудзецца 31 студзеня / або 1 лютага 2025 года. Тады з Зямлі можна будзе ўбачыць лінію з чатырох яркіх планет і рост Месяца.
Цяпер чытаюць
Памятаеце былога памежніка, які стаў дальнабойшчыкам і ў Германіі прызнаваўся ў любові да Лукашэнкі? З ім бяда29
Каментары