У Смаргонскім раёне працоўныя вакансіі на ферме закрываюць індыйцамі
Смаргонская раённая газета «Светлы шлях» напісала, што на працу ў мясцовае КСУП «Сінькі» на мінулым тыдні прыехалі чатыры індыйцы. Двое з іх уладкаваліся на ферму ў вёсцы Сівіцы і, як сцвярджае раёнка, будуць зарабляць там у тры разы больш, чым на радзіме.
Мужчыны прыехалі з індыйскага горада Хайдабарада, а ў беларускім аграгарадку Сіньках жывуць у інтэрнаце, які выдзеліла ім прадпрыемства. Мясцовымі мовамі яны пакуль не валодаюць зусім, але ў камунікацыі ім дапамагаюць смартфоны з галасавым перакладчыкам. Але і так яны кожны дзень імкнуцца вывучыць па 2-3 словы на рускай мове, таму неўзабаве моўны бар'ер спадзяюцца пераадолець.
У сябе на радзіме яны таксама працавалі ў сельскай гаспадарцы, але там ім за месяц цяжкай працы плацілі каля 15 тысяч рупій (180 даляраў ЗША). На Смаргоншчыне ж ім абяцаюць плаціць у тры разы больш, абы толькі не лайдачылі.
Працоўным мігрантам у Беларусі падабаецца, адно што толькі трэба, як яны гавораць, прызвычаіцца да клімату: +20 для іх халаднавата. Не тыя тут і нагрузкі: калі ў Індыі мужчыны даглядалі адначасова толькі 15 кароў, то тут на іх апеку кінулі значна больш.
«Але гэта не палохае. Мы ўжо ведаем, калі трэба даваць корм жывёлам, калі прыбіраць за імі… Вучымся рацыянальна размяркоўваць сваіх сілы і правільна выдаткоўваць працоўны час», — адрапартаваў раёнцы адзін з індыйцаў.
Новае начальства імі пакуль задаволенае. Намеснік дырэктара прадпрыемства адзначыў, што працавітыя, без шкодных звычак госці з Азіі выдатна ўпісаліся ў тэхналагічны ланцужок на ферме. Праўда, надоўга ў Беларусі затрымліваюцца яны не плануюць, у планах пакуль праца толькі цягам года.
Цяпер чытаюць
«Сіл няма, рэсурсаў няма, усе стаміліся». Лукашэнка заявіў, што вайна ва Украіне ў найбліжэйшыя месяцы будзе скончаная14
Каментары
расея - расейцы
Індыя - індыйцы