У Мінску каля Камароўкі заўважылі цэлую зграю свойскіх пацукоў. На рынку кажуць, што гэта не іхнія ВІДЭА
Як апынуліся свойскія пацукі на звычайнай гарадской клумбе, невядома.
Мінчукі заўважылі недалёка ад Камароўскага рынку цэлую зграю пацукоў.
Відэа ў TikTok сабрала больш за 200 тысяч праглядаў і чатыры сотні каментароў. Першапачаткова ў роліку гаварылася, што пацукоў знайшлі проста каля Камароўкі, але на рынку гэта адмаўляюць.
Выбросили домашних крыс на Кульман(
Намеснік дырэктара рынку па развіцці Іван Ткачук заявіў, што пацукоў знайшлі каля паркінгу, пішуць «Мінск-Навіны».
«Да нас пацукі ніякага дачынення не маюць, відэа знятае на скрыжаванні вул. Кульман і Куйбышава, гэта адна з клумбаў побач з крытым паркінгам», — адзначыў Ткачук.
У каментарах людзі заўважылі, што пацукі на відэа, хутчэй за ўсё, свойскія, іх хтосьці мог выкінуць на двор. Дэкаратыўныя пацукі, у адрозненне ад дзікіх, могуць не прыстасавацца да вонкавых умоў і загінуць.
Тое, што пацукі на відэа свойскія, пацвердзіла супрацоўніца сталічнага заапарка Ірына Орліс. Паводле яе слоў, пацукоў выкінулі відавочна не пару дзён таму.
«На відэа выразна відаць, што гэта свойскія пацукі, як мінімум па колеры — дзікія такіх афарбовак не бываюць. Ды хоць бы ўзяць лінію Дамба — той самы беленькі з вялікімі вушкамі, што фігуруе ў сярэдзіне відэа. Як максімум — па паводзінах: у нашай краіне дзікія пацукі так нахабна сябе не паводзяць. Яны даўно вывучылі, што з імі змагаюцца, і так відавочна на кантакт не пойдуць.
Адназначна, нейкі бессаромны чалавек выкінуў хатніх гадаванцаў. І відавочна не пару дзён таму, калі ўлічыць, што мы бачым не толькі дарослых асобін, але і малых, якія вывеліся, хутчэй за ўсё, у нары, якую жывёлы зладзілі ў каранях дрэў. Маразы яны пераносяць дрэнна, і калі іх не адлавіць, то, хутчэй за ўсё, жывёлы загінуць», — лічыць Орліс.
Пры гэтым спецыялістка заклікае не замілоўвацца: паводле яе слоў, хатнія пацукі могуць быць больш небяспечныя, чым іх дзікія сабраты, паколькі лепш ведаюць звычкі людзей і не баяцца іх. Да таго ж, захворванні свойскія пацукі пераносяць не горш за дзікіх.
У Мінску адбыліся масавыя затрыманні выдаўцоў і кнігараспаўсюднікаў33
Каментары