У БДТУ адкрыюць сумесную з расіянамі магістратуру па беспілотніках
Студэнтаў будуць вучыць праектаваць і вырабляць дроны.
«Шахед». Ілюстрацыйнае фота
У 2025 годзе ў Беларускім дзяржаўным тэхналагічным універсітэце з’явяцца новыя напрамкі магістратуры.
На кафедры палімерных кампазіцыйных матэрыялаў магістрантаў будуць навучаць па новых спецыяльнасцях: «праектаванне беспілотных авіяцыйных комплексаў» і «тэхналогія вытворчасці беспілотных авіяцыйных комплексаў», паведамляе БелТА.
Навучанне будзе арганізавана ў межах супрацоўніцтва з расійскім універсітэтам у Казані. Адзін год магістранты будуць навучацца ў тэхнічным універсітэце імя Тупалева ў сталіцы Татарстана, другі год — у БДТУ паводле сумеснага вучэбнага плана.
Навучанне будзе платным, а транспартныя выдаткі і выдаткі на пражыванне будуць аплачвацца самім магістрантам.
Цяпер чытаюць
Былы беларускі міліцыянер шукае «пародзістую прыгажуню». Называе сябе мільянерам, а сам судзіцца з былой жонкай за аліменты21
Каментары