Не менш за 30 тысяч жыхароў штатаў Тэхас, Джорджыя, Арканзас і Місуры засталіся без электрычнасці пасля магутнага снегападу, які ў асобных раёнах стварыў снежныя гурбы, што перавысілі амаль тры гадавыя нормы
Пра гэта піша RTVi са спасылкай на Associated Press (AP).
У горадзе Літл-Рок (штат Арканзас) вышыня снегу дасягнула 10 цаляў (250 мм) пры гадавой норме ў 3,8 цалі (97 мм). На поўначы Тэхаса, у Аклахоме і каля аэрапорта Мемфіса (штат Тэнэсі) гэты паказчык склаў больш за 7 цаляў (180 мм), хоць у Мемфісе звычайна фіксуюць не больш за 2,7 цалі снегу (69 мм) у год, адзначае AP.
Горад Бірмінгем у штаце Алабама пабіў рэкорд за 11 гадоў — для гэтага хапіла ўсяго 2 цаляў снегу (50 мм), дадае ABC.
Метэаролагі раней папярэдзілі 20 штатаў ад Тэхаса да Дэлавэра пра небяспеку снежнай буры. Улады як мінімум шасці рэгіёнаў, уключаючы Тэхас, Паўднёвую Караліну і Алабаму, абвясцілі рэжым надзвычайнай сітуацыі. Паводле сайта Flightaware, у суботу ў ЗША адмянілі не менш за 842 авіярэйсы, а днём раней — 3537. CNN адзначае, што мінулая пятніца стала самым неспрыяльным днём для авіяпералётаў у ЗША з ліпеня.
Снегапад і ледзяны дождж зрабілі небяспечнымі аўтамабільныя дарогі, дадае AP. У Атланце (штат Джорджыя) мясцовая каманда Atlanta Hawks перанесла матч з Houston Rockets праз галалёд, а ў Алабаме не выключаюць, што ў панядзелак дзеці не пойдуць у школу. У Аклахоме патрульныя зафіксавалі больш за 500 дарожных здарэнняў, 85 з якіх скончыліся траўмамі.
Адключэнне электрычнасці ў Вірджыніі прывяло да праблем з мясцовай сістэмай водазабеспячэння, з-за чаго жыхарам часова рэкамендавалі кіпяціць ваду перад ужываннем. Цяпер гэта папярэджанне знята, а электразабеспячэнне паступова аднаўляецца ва ўсіх пацярпелых штатах.
Электразабеспячэнне можа стаць крытычна важным з-за арктычных маразоў, якія прыйшлі ў рэгіён разам з непагаддзю. Улады Джорджыі адкрылі па ўсім штаце ацяпляльныя станцыі, некаторыя з якіх ужо перапоўненыя тымі, хто хоча сагрэцца, адзначае ABC.
Цяпер чытаюць
Расійскі прадавец паспяховага поспеху паспрабаваў адкрыць філіял у Мінску. Рэакцыя беларусаў была паказальнай6
Расійскі прадавец паспяховага поспеху паспрабаваў адкрыць філіял у Мінску. Рэакцыя беларусаў была паказальнай
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць3333
Каментары