На таннае арэнднае жыллё ў Беларусі змогуць прэтэндаваць і расіяне
Лукашэнка нядаўна дазволіў даваць льготнае арэнднае жыллё спецыялістам запатрабаваных спецыяльнасцяў. Аказалася, указ тычыцца не толькі беларусаў.
Ільготнае арэнднае жыллё ў Беларусі змогуць атрымліваць і запатрабаваныя спецыялісты з расійскім грамадзянствам.
Пра гэта паведаміла начальніца аддзела юрыдычнай работы і кадраў Міністэрства жыллёва-камунальнай гаспадаркі Беларусі Вольга Герман.
Яна нагадала, што грамадзяне Беларусі, падаючы заяўку на арэнднае жыллё, падаюць пашпарт, а замежныя могуць выкарыстоўваць дазвол на жыхарства, дакумент бежанца і іншыя дакументы, піша Sputnik.
«Па сутнасці, калі вось гэты дакумент, які будзе пададзены, будзе пацвярджаць асобу грамадзяніна ў адпаведнасці з заканадаўствам, адпаведна пытанняў атрымання арэнднага жылля тут не будзе адназначна», — заявіла Герман.
Адзінага пераліку запатрабаваных спецыяльнасцяў у Беларусі не будзе. Гэтае пытанне будуць вырашаць мясцовыя ўлады на месцах.
«Будзе вывучацца база даных вакансій па рэгіёне. У адным рэгіёне можа быць патрэбны кіроўца аўтобуснага парку, дзесьці патрэбны хірург, дзесьці патрэбны нейкі спецыяліст больш вузкай накіраванасці. У гэтай сітуацыі гэтыя пералікі будуць зацвярджаць рэгіёны.
У дачыненні да аплаты — тут будзе прымяняцца паніжальны каэфіцыент. Гэта істотна знізіць памер аплаты за арэнднае жыллё», — расказала Герман.
Атрымаць таннае арэнднае жыллё змогуць і пенсіянеры, якія працуюць, узроставых абмежаванняў ва ўказе Лукашэнкі няма.
Пракуратура пра смерць Мелказёрава: журналіст меў хранічную хваробу17
Каментары
паясьняю: тым, што ў МУСе працуюць. Бо ў іх жа пастаянна вялікі недабор).