«Нам здавалася, што мы мелі справу з сур'ёзнымі людзьмі». Эйсмант пакрыўдзілася на публікацыю Шустэра
Прэс-сакратарка Лукашэнкі Наталля Эйсмант расказала Беларускаму тэлебачанню пра тое, як рыхтавалася інтэрв'ю яе шэфа амерыканскаму выданню Time. І хоць Эйсмант, праходжваючыся з супрацоўніцай БТ у інтэр'ерах Палаца Незалежнасці, старалася паказаць, што ўсё прайшло па плане, адна кінутая ёй фраза сведчыць пра тое, што ў выніку атрымалася не зусім тое, што чакалася.
Можна меркаваць, што Лукашэнка і ягонае атачэнне найбольш незадаволеныя тым, што журналіст Сайман Шустэр не абмежаваўся падрыхтоўкай самога інтэрв'ю як такога, а паралельна з гэтым падрыхтаваў таксама вялікі тэкст, у якім даволі падрабязна расказаў пра тое, як яно здымалася, апісаўшы таксама агульны палітычны кантэкст.
Эйсмант расказвае прапагандыстцы з БТ пра тое, што на інтэрв'ю з Лукашэнкам выстройваецца чарга, а Time быў выбраны з шэрагу іншых таму, што звярнуўся самым першым. Між тым Шустэр у сваім тэксце расказвае, што ініцыятыва адносна інтэрв'ю, наадварот, паходзіла ад беларускага боку. Больш таго — за тое, каб амерыканцы пагаварылі з Лукашэнкам, у Мінску былі гатовыя выданню нават заплаціць і спецыяльна прыцэньваліся.
Наталля Эйсмант, згадваючы пра тое, што пасля запісу інтэрв'ю журналіст папрасіў два тыдні на тое, каб яго падрыхтаваць і выставіць, кінула, гаворачы пра згоду на гэта, фразу:
«Нам здавалася, што мы мелі справу з сур'ёзнымі людзьмі».
Сама яна развіваць гэту тэму далей не стала, але за яе гэта зрабілі праўладныя прапагандысты, з каментароў якіх відаць, што дзеянні Шустэра лукашыстаў сур'ёзна зачапілі. Прытым прапагандысты па сваёй завядзёнцы не звярталіся да эзопавай мовы, а гаварылі ўсё, як звычайна ў іх водзіцца, цалкам адкрыта і нават па-хамску.
У тэлеграм-канале «Жоўтыя злівы» працытавалі гэтую самую фразу Эйсмант і далі да яе свой разняволены каментарый, які расшыфроўвае, што менавіта яна мела на ўвазе:
«Тэт-а-тэт з Бацькам журналіст круціўся вазелінавым уюном, але друкаваная версія для амерыканцаў была крыху іншай, мякка кажучы».
Яшчэ больш рэзкім быў Рыгор Азаронак:
«Напрыдумляў там, што па тыпу там яму хтосьці тэлефанаваў, там яшчэ чагосьці. Сёмачка, ну так не трэба! Хлусіць-то так не трэба, Сёмачка! Што за казлы! Што за казлы? Цябе прэзідэнт сустракае, шчыра табе расказвае нешта».
«Пра сустрэчу Луку заўсёды прасілі перадаць Пуціну». Шустэр расказаў, як Лукашэнка прапаноўваў свае паслугі амерыканцам
«Вельмі заклапочаныя». Лукашэнка расказаў, як на ягоныя спробы перамаўляцца з амерыканцамі рэагуюць у Расіі
Лукашэнка: Калі ўступіць у вайну з Украінай, Беларусь не зможа ўтрымаць фронт
Лукашэнка: Трамп — балбатун, раніцай гаворыць адно, вечарам робіць іншае
Лукашэнка пра магчымасць балатавацца на яшчэ адзін тэрмін: Трампу хутка 80, і ён прыстойна выглядае
Цяпер чытаюць
Брэндавая сумачка за $4 тысячы і брыльянты. Віцэ-міс Беларусі Алія Кароткая схадзіла з сяброўкай паесці дранікаў36
Брэндавая сумачка за $4 тысячы і брыльянты. Віцэ-міс Беларусі Алія Кароткая схадзіла з сяброўкай паесці дранікаў
На Афоне адшукалі тры невядомыя раней асобнікі Астрожскай Бібліі. Для яе стварэння друкар Іван Фёдараў, выхадзец з Беларусі, выкарыстоўваў тэксты Скарыны66
Каментары