Падчас свайго выступлення на пасяджэнні клуба «Валдай» у Сочы Уладзімір Пуцін, сярод іншага, выступіў з даволі рэзкай прамовай, звязанай з панікай у Еўропе з-за дронаў над Польшчай, Даніяй і краінамі Балтыі.
Калі ў кіраўніка Крамля спыталі, ці запускаў ён дроны ў Данію, Пуцін засмяяўся і, зрабіўшы рукою пагардлівы жэст, адказаў: «Я больш не буду. Ні ў Францыю, ні ў Данію. Куды яшчэ далятаюць? У Лісабон».
Акрамя таго, ён нават параўнаў трывогу еўрапейцаў наконт дронаў з панікай перад НЛА: «Ведаеце, там забаўляюцца людзі, якія калісьці забаўляліся наконт НЛА. Там столькі дзівакоў, як і ў нас, дарэчы кажучы. Нічым не адрозніваюцца, асабліва маладыя людзі».
Пуцін таксама пахваліў прэзідэнта ЗША Дональда Трампа за яго намаганні па дасягненні міру. Кіраўнік Крамля назваў сустрэчу на Алясцы спробай, але «не больш за тое».
Ён таксама назваў магчымую пастаўку ракет далёкага дзеяння ва Украіну памылкай, якая можа парушыць добрыя адносіны з ЗША, піша Bild.
Цяпер чытаюць
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было44
Каментары