38‑гадовы былы кіраўнік аднаго з раённых прадпрыемстваў жыллёва-камунальнай гаспадаркі Мінска прызнаны вінаватым у атрыманні хабараў на суму больш за 86 тысяч рублёў, паведамілі ў пракуратуры Мінскай вобласці.
Як высветліла следства, мужчына неаднаразова атрымліваў ад кіраўнікоў субпадрадных арганізацый матэрыяльныя каштоўнасці і выгоды маёмаснага характару — будаўнічыя матэрыялы, абсталяванне, а таксама аплату будаўнічых работ у прыватным доме ў Пухавіцкім раёне. За гэта ён садзейнічаў «спрыяльнаму вырашэнню пытанняў у межах сваёй кампетэнцыі» — падпісваў акты выкананых работ без перашкод і забяспечваў своечасовую аплату субпадрадчыкам.
Абвінавачаны цалкам прызнаў сваю віну і вярнуў незаконна атрыманыя сродкі яшчэ на этапе папярэдняга расследавання.
Суд Пухавіцкага раёна прысудзіў яго да 7 гадоў пазбаўлення волі, штрафу ў памеры 400 базавых велічынь (каля 16,8 тысячы рублёў) і пяцігадовай забароны займаць кіраўнічыя і адміністрацыйна-гаспадарчыя пасады.
Пры гэтым суд часткова змякчыў пакаранне — мужчына вызвалены ад адбыцця аднаго года з прызначанага тэрміну.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу4
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1818
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх18
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары