Найбуйнейшы нямецкі вайсковы канцэрн Rheinmetall 4 лістапада заклаў першую капсулу пад будучы завод боепрыпасаў у літоўскім горадзе Байсагала, паведамляе LRT. Завод будзе выпускаць 155‑міліметровыя артылерыйскія снарады — асноўны калібр у краінах НАТА, яго плануецца ўвесці ў эксплуатацыю недзе ў сярэдзіне 2026 года.
Прадпрыемства размесціцца на плошчы 340 гектараў і пачне працу праз 12—13 месяцаў. На першым этапе плануецца вырабляць 35 000 снарадаў, а да 2027 года, калі завод выйдзе на поўную магутнасць, — павялічыць аб'ём да 100 000 снарадаў штогод. Прадукцыя будзе выпускацца ў дзве змены; кожная змена налічвае прыблізна па 200 супрацоўнікаў.
Інвестыцыі ў праект складуць каля 300 мільёнаў еўра — гэта будзе найбольшая вайсковая інвестыцыя ў гісторыі Літвы, якая павялічыць вытворчыя магутнасці на ўсходнім флангу НАТА.
Гендырэктар Rheinmetall Армін Папергер сказаў, што будаўніцтва завода — гэта «сігнал для Расіі», які дэманструе здольнасць НАТА рэагаваць на пагрозы з яе боку.
Прэзідэнт Літвы Гітанас Наўседа, у сваю чаргу, назваў праект «стратэгічным крокам», скіраваным на ўмацаванне стрымлівання, неабходнага для захавання міру. Ён таксама адзначыў, што нямецкія інвестыцыі адчувальныя «на літоўскай зямлі — у сталі, тэхналогіях і, галоўнае, у даверы».
Акрамя заводу ў Байсагале, Rheinmetall падпісаў мемарандум аб намеры пабудаваць у Літве яшчэ адзін завод для вытворчасці зарадаў для артылерыйскіх снарядаў. Для Літвы, як краіны НАТА, якая мяжуе з Расіяй, наяўнасць уласнай вытворчасці боепрыпасаў лічыцца важным элементам стрымлівання магчымай агрэсіі з боку Крамля. Аналагічны завод ужо будуецца ў Латвіі.
Гэтая літоўская пляцоўка далучаецца да сеткі вытворчасцяў Rheinmetall у Еўропе — кампанія ўжо мае заводы ў Іспаніі і Венгрыі і нядаўна падпісала кантракты на аднаўленне вытворчасці боепрыпасаў і пораху ў Балгарыі і Румыніі.
Раней у Вільні абвясцілі, што ў 2026 годзе плануюць павысіць выдаткі на абарону больш за 5% ВУП; таксама на тэрыторыі Літвы размясцілі нямецкую танкавую брыгаду, якая да канца 2027 года павінна вырасці з прыкладна 500 да 5000 салдат.
Патрэбы НАТА мяняюць эканоміку Еўропы. Але еўрапейскай абаронцы не хапае шэрагу крытычна важных прадуктаў
За два гады Еўропа ў шэсць разоў нарасціла вытворчасць боепрыпасаў
У Германіі адкрываюць самы буйны завод боепрыпасаў у Еўропе
Танкі замест аўтамабіляў. ВПК замяняе аўтапрамысловасць у якасці галоўнага рухавіка эканомікі Германіі
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5757
Каментары