Урад Літвы на пасяджэнні 19 лістапада можа прыняць рашэнне аб мяжы з Беларуссю. Такое меркаванне LRT выказаў старшыня Камітэта Сейма па замежных справах Рэмігіюс Мотузас.
Па яго словах, рашэнне таксама будзе залежаць ад выніку перамоваў з беларускім бокам на тэхнічным узроўні.
«Рашэнне будзе вызначацца, перш за ўсё, вынікамі тэхнічных перамоваў. Але пакуль, зыходзячы сітуацыі, тэндэнцыя хутчэй схіляецца да таго, што межы могуць быць адкрыты раней 30 лістапада. Канчатковае рашэнне будзе прынята з улікам высноў і рэкамендацый гэтых камісій, а таксама рашэнняў на заўтрашнім пасяджэнні ўрада», — сказаў ён.
Сёння ў Літве таксама павінны сабрацца Дзяржаўная рада абароны і Камісія нацыянальнай бяспекі.
Урад Літвы ў канцы кастрычніка закрыў мяжу з Беларуссю да 30 лістапада.
Учора Польшча адкрыла пераходы «Кузніца» і «Баброўнікі».
Падпалкоўніка з факультэта вайсковай разведкі судзяць за «здраду дзяржаве» па справе, якая выглядае палітычнай. Што пра яго вядома?6
Каментары