Расійскія войскі прарваліся да самага Гуляйполя. Адно з падраздзяленняў адступіла без загаду
На запарожскім напрамку ўкраінскай абароны ўзнікла складаная сітуацыя: падчас перагрупоўкі адно з украінскіх падраздзяленняў самавольна адышло з пазіцый. З-за гэтага адкрыўся фланг абароны і расійскія войскі змаглі прарвацца амаль да самага Гуляйполя, паведамляе «РБК-Украіна».
Як паведаміў «РБК-Украіна» прадстаўнік Сіл абароны Поўдня Уладзіслаў Валошын, няўзгоднены адыход пакінуў суседняе падраздзяленне без прыкрыцця. Расіяне скарысталіся блытанінай і дрэннымі ўмовамі надвор’я і зайшлі ў фланг украінскіх войскаў. У выніку гэтага адбыліся баі. Некалькі ўкраінскіх вайскоўцаў лічацца зніклымі без вестак.
Нягледзячы на складанасці, украінскія вайскоўцы трымаюць абарону і спрабуюць перагрупаваць сілы, каб больш эфектыўна арганізаваць абарону Гуляйполя. У раёне сяла Зелёны Гай, пра якое паведамлялі як пра нібыта ўжо акупаванае, ідуць баі — украінскія сілы працягваюць яго бараніць.
У гэты ж дзень стала вядома, што расійскія вайскоўцы здзейснілі чарговае ваеннае злачынства — расстралялі пяць украінскіх абаронцаў, якія трапілі ў палон у раёне Гуляйполя. Раней пра гэта паведаміў праект Deep State.
Каментары