Прэзідэнт Украіны Уладзімір Зяленскі заявіў, што Украіна гатовая абмяркоўваць тэрытарыяльныя пытанні падчас мірных перамоў на ўзроўні кіраўнікоў дзяржаў. Пра гэта ён сказаў 28 кастрычніка на сумеснай прэс-канферэнцыі з прэм’ер-міністрам Нідэрландаў Робам Етэнам.
Зяленскі разлічвае, што ў перыяд з 6 да 10 лістапада адбудзецца трохбаковая сустрэча перамоўных каманд Украіны, ЗША і Расіі. Яе галоўная задача — падрыхтаваць перамовы на ўзроўні лідараў.
Сярод іншых тэм, якія плануецца абмеркаваць, — спыненне агню ў энергетычнай сферы і на моры, абмен ваеннапалоннымі, вызваленне ўкраінскіх цывільных асоб, якія ўтрымліваюцца ў Расіі, а таксама вяртанне дэпартаваных украінскіх дзяцей.
«Шмат гуманітарных пытанняў, не толькі тэрыторыі, якія з’яўляюцца найважнейшым пытаннем для расійскага і амерыканскага бакоў. Мы таксама гатовыя абмяркоўваць тэрыторыі, але на ўзроўні лідараў», — заявіў Зяленскі.
27 кастрычніка выданне Financial Times паведаміла, што ЗША больш не будуць ціснуць на Украіну, каб прымусіць яе адмовіцца ад часткі тэрыторый падчас перамоваў. Раней Вашынгтон звязваў будучыя гарантыі бяспекі для Украіны з тэрытарыяльнымі саступкамі.
Цяпер чытаюць
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна40
Каментары
А я ўсім сведкам вялікай украінскай дзяржаўнасці хочу нагадаць, што Украіна сама па сабе як краіна далёка не казка, а поўнасцю карумпаваная. Дзе за грошы можна вырашыць любое пытанне, краіна схемак, мутак і цемак. І далёка не кожны грамадзянін гэтай краіны хоча паміраць за яе. Але тцк пытацца не будзе, хочаш ці не хочаш, заталкаюць у бусік і пад канвоем, у кайданіках завязуць на фронт. 5 год на украінскіх мужчын ідзе паляванне, з неба падаюць рускія ракеты і дроны, а на зямлі гэта робіць дзяржава і тцк.
Усім абаронцам гэтых сталінскіх метдаў і прыхільнікаў вечнай вайны да кардонаў 91 я раю набыць квіток да Кіева і на фронт.
А я вось што думаю - няхай патужны прэзідэнт Зяленскі знімае забарону на выязд для ўкраінсікх мужчын і хто хоча няхай там ваюе яшчэ 5 год за якую-небудзь вёску на Данбасе.
А тым хто хоча жыць сваё жыццё, дайце выяхаць і жыць яго.