У Мінску плануюць стварыць магістральную валаконна-аптычную сетку працягласцю больш за 55 кіламетраў. Яна злучыць святлафоры, камеры назірання і Цэнтральны пункт кіравання транспартнай сістэмай. Пра гэта паведамілі ў Дзяржаўным вайскова-прамысловым камітэце Беларусі.
Новую магістраль пракладуць па контуры Другога транспартнага кола сталіцы. Яна стане асновай інтэлектуальнай транспартнай сістэмы, якая дазволіць аператыўна рэгуляваць працу святлафораў, скарачаць заторы і падрыхтаваць гарадскую дарожную сетку да ўкаранення тэхналогій «разумнага горада».
Да святлафораў падвядуць валаконна-аптычныя кабелі, каб падключыць камеры і перадаваць відэа ў цэнтральны пункт кіравання. Дарожныя кантролеры таксама злучаць з ім з дапамогай новага пратакола абмену данымі.
Кальцавая структура сеткі павінна забяспечыць бесперапыннасць сувязі нават у выпадку пашкоджання аднаго з кабеляў.
Укараненне новых тэхнічных рашэнняў плануюць пачаць у 2027 годзе.
Памяняліся правілы відэаназірання ў Беларусі
Заторы нават удзень: што зараз адбываецца на скрыжаванні Арлоўскай і Карастаянавай у Мінску
У Гродне каля Фарнага касцёла запусцілі праекцыйны пешаходны пераход ФОТЫ
«Падарунак жыхарам горада». У Магілёве адкрылі чарговы падземны пераход, тады як у багацейшай Вільні ад іх адмаўляюцца
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна40
Каментары