Пры канцы тыдня зноў будзе да +36 градусаў.
Анамальная спёка захаваецца ў нашай краіне да канца месяца. Пра гэта паведаміла Вольга Фядотава, галоўны сіноптык Белгідраметцэнтра.
«На жаль, істотных зменаў у характары надвор’я не прадбачыцца.
Калі зноў тэмпература можа павышацца да 27–34 градусаў, а месцамі ў пятніцу і суботу па Беларусі нават да 35–36 градусаў».
Толькі ў нядзелю на захадзе краіны стане трошкі халадней: там тэмпература не выйдзе за межы 20–27 градусаў. Але на астатняй тэрыторыі ў нядзелю будзе ад 28 у цэнтральных раёнах да 35 градусаў на ўсходзе. Пры гэтым спякота месцамі будзе суправаджацца кароткачасовымі дажджамі і навальніцамі. А ў чацвер, 22 ліпеня, яны пройдуць па ўсёй тэрыторыі краіны. У асобных раёнах магчымы моцныя ліўні і шквалістыя ўзмацненні ветру.
Заўважна пахаладае, верагодна, на пачатку наступнага тыдня.
Але бліжэй да канца месяца зноў стане на некалькі градусаў цяплей, кажуць сіноптыкі.
Цяпер чытаюць
Герой Беларусі Марына Васілеўская нарадзіла дачку ад касманаўта Алега Навіцкага44
Каментары