«Я катэгарычна супраць любой дыктатуры», — заявіўэкс-прэзідэнт Літвы Валдас Адамкус, каментуючы парталу Delfi магчымасць пераабрання Аляксандра Лукашэнкі на пасаду прэзідэнта Беларусі.
Нагадаем, 12 лістапада на сустрэчы з пасламі Еўрасаюза ў Вільні прэзідэнт Літвы Даля Грыбаўскайце заявіла, што перамога Лукашэнкі на чарговых прэзідэнцкіх выбарах забяспечыць стабільнасць Беларусі і абмяжуе ўплыў Расіі ў гэтай краіне. «Лукашэнка з’яўляецца гарантам эканамічнай і палітычнай стабільнасці Беларусі і яе незалежнасці. Мы [Літва] не хацелі б бачыць другую Расію ў якасці свайго суседа», — цытавала Грыбаўскайце агенцтва Reuters са спасылкай на дыпламатычную крыніцу ў ЕС.
У сваю чаргу былы прэзідэнт Літвы лічыць, што пацяпленне адносін з афіцыйным Мінскам не можа садзейнічаць энергетычнай незалежнасці Літвы. «Я кіруюся прынцыпамі дэмакратыі. Любая спроба дагадзіць дыктатуры і апраўдаць яе для мяне непрымальная», — заявіў ён.
Адамкус не стаў каментаваць палітычныя рашэнні літоўскага кіраўніцтва па гэтым пытанні. Разам з тым ён нагадаў:
«Перад Другой сусветнай вайной Нэвіл Чэмберлен, Эдуард Далад'е, Беніта Мусаліні і Адольф Гітлер на падобных асновах, аб якіх вы цяпер гаворыце, падпісалі пагадненні на Мюнхенскай канферэнцыі».
Цяпер чытаюць
18‑гадовы курсант Вайсковай акадэміі з Ляхавіч нікому нічога не сказаў, забраў дакументы і паехаў ваяваць за Расію. Цяпер па ім плачуць50
Каментары