Прэзыдэнт Украіны Віктар Януковіч у інтэрвію польскай газэце Rzeczpospolita выказаў зьдзіўленьне дзеяньнямі Лукашэнкі пасьля выбараў.
Адказваючы на просьбу ацаніць сытуацыю ў Беларусі, Януковіч сказаў:
«Ніхто ня меў сумневаў у тым, што Лукашэнка перамог на гэтых выбарах. Пра гэта сьведчылі сацыялягічныя дасьледаваньні.
Але мне здаецца, што апошнім часам ён вельмі зьмяніўся, я думаў, што ён абярэ больш прагматычную лінію ў дачыненьні да апазыцыі. Калі я зь ім размаўляў, то думаў, што ён зьмяніўся да лепшага», — сказаў ён.
«Аднак, калі я пабачыў, што здарылася ў Беларусі, то зьдзівіўся. Прасьцей кажучы, ён перагнуў палку. Я думаю, што яго няправільна паінфармавалі спэцслужбы. Ён занадта ім даверыўся», — дадаў Януковіч.
Цяпер чытаюць
Сёстры Груздзевы драматычна расказалі, як іх выкінуў за дзверы міністр культуры Руслан Чарнецкі. «Як сабак»8
Каментары