КДБ здолела ўразіць навагрудскага пастара з дапамогай класічных прыёмаў
Следчы стварыў уражанне, што ўсё ведае, і гаварыў на тэму, якая цікавіла падследнага.
Уладзімір Качагур, сябар выбарчага штаба Віталя Рымашэўскага, удзельнік Плошчы, пастар царквы “Новае жыццё” пасьля наведвання КДБ у Менску зрабіў выснову: там усё пра ўсіх усё ведаюць.
Качагура выклікалі ў КДБ Беларусі пасля таго, як ён адмовіўся даваць паказанні чэкістам у Наваградку, паколькі тыя забаранялі пры гэтым прысутнічаць ягонай даверанай асобе.
10 сакавіка ён прабыў у следчага шэсць гадзін і павінен з'явіцца яшчэ і сёння.
Са слоў Качагура, яны найменш гаварылі са следчым пра Плошчу, амаль увесь час гутарылі пра Бога. Але найболей Качагура здзівіла дасведчанасць чэкістаў пра ўсіх і пра ўсё.
Качагур нават заявіў: “Хаваць ад іх нешта бессэнсоўна, яны нават сказалі мне, у якія мы карты гулялі і хто выйграў. Яны ведаюць абсалютна ўсё і пра тое, хто там дзверы разьбіў таксама. А ў мяне збольшага пыталіся пра Насту Палажанку – ці ведаю я яе? Я сказаў, што ведаю, не стаў гэтага хаваць”.
Са слоў Качагура, следчы паказаў яму відэа з Плошчы, на якім добра быў бачны сам Качагур, але на гэтым акцэнт не рабіўся. Ніякага ціску, з яго слоў, не аказвалася, наадварот, размова вялася прыстойна.
У КДБ выкліканы іншыя актывісты Хрысціянскай Дэмакратыі з Наваградка: Дар’я Бахар, Сяргей Воўчак, Юрась Казак.
Раней іх тройчы выклікаліся ў праваахоўныя органы з мэтай дапытаць іх у справе падзеяў 19 снежня на Плошчы, але не з'яўляліся туды. Пазней суд Навагрудскага раёна асудзіў іх за гэта на 200 тысяч рублёў штрафу.
А яшчэ пазней яны адмовіліся даваць паказанні следчым КДБ у Навагрудку без прысутнасці пры гэтым іх давераных асобаў. Актывісты заяўлялі следчым, што такое права ім гарантуе Канстытуцыя Беларусі.
«Беларусь перадусім». Што вядома пра 23‑гадовага афіцэра спецназа, якога асудзілі на 19 гадоў за «здраду дзяржаве»8
Каментары