Кіраўнік Нацбанка патлумачыла стратэгію дзяржавы па ўрэгуляванні сітуацыі на валютным рынку. Яна абяцае вывесці на адзіны курс больш-менш за два месяцы.
Старшыня праўлення Нацыянальнага банка Надзея Ермакова растлумачыла стратэгію ўлад па ўрэгуляванні сітуацыі на валютным рынку.
Паводле яе слоў, стратэгічная мэта ўвядзення з сярэдзіны верасня дадатковых таргоў на Беларускай
Мэта — знайсці залатую сярэдзіну курсу, якая сапраўды будзе адлюстроўваць рэальнасць»,— заявіла Ермакова ў інтэрв’ю агенцтву
Паводле яе слоў, з моманту пачатку таргоў на дадатковай сесіі будуць два курсы: той, які складзецца паводле вынікаў гэтых таргоў, і афіцыйны абменны курс.
Ермакова растлумачыла, што «Нацыянальны банк будзе таргетаваць (вызначаць мэтавыя арыенціры) курс, які складзецца паводле вынікаў таргоў на дадатковай сесіі». Пры гэтым яна падкрэсліла, што «вусных рэкамендацый не будзе, калі толькі хтосьці дзесьці будзе сваволіць». «Рэкамендацыі Нацыянальнага банка, калі яны будуць давацца, павінны быць прыняты афіцыйна, рашэнне павінна быць падпісана старшынёй праўлення», — заявіла кіраўнік Нацбанка.
Паводле яе слоў, Нацбанк гатовы да валютных інтэрвенцый падчас таргоў на дадатковай сесіі.
«Крыніцы для гэтага ёсць, але іх я пакуль назваць не магу.Яны ляжаць у нас на рахунках, і не толькі ў рэзервах. Будуць і новыя крыніцы паступаць. У гэтым плане ўсё ў нас пралічана. Кіраўнік дзяржавы на нарадзе нездарма паведаміў пра паступленне да канца года інвестыцый на 5 мільярдаў долараў. Нездарма названы і тэрміны адкрыцця дадатковай сесіі — сярэдзіна верасня — усё гэта пралічана», — запэўніла Ермакова.
Прагназуючы развіццё сітуацыі, яна адзначыла: «Я не думаю, што курс скочыць у „завоблачнасць“,
бо на чорным рынку ён цяпер сфарміраваўся на ўзроўні 10 тысяч за долар і больш за 10 тысяч ён не вырасце.Калі раўнаважкі курс установіцца, ён і стане адзіным на ўсіх сегментах валютнага рынку, і на біржы зноў будзе адна гандлёвая сесія».
На пытанне, ці сапраўды для ўніфікацыі абменных курсаў спатрэбіцца 1,5–2 месяцы, як заяўляў кіраўнік дзяржавы, Ермакова адказала: «Тэрмін 1,5–2 месяцы — гэта ацэнка экспертаў. Гэта не кіраўнік дзяржавы ўстанавіў, гэта ўстановіць жыццё. Можа спатрэбіцца і больш часу, а магчыма, і раней мы здолеем уніфікаваць курс».
Кіраўнік Нацбанка таксама паведаміла, што абавязковы продаж часткі валютнай выручкі экспарцёраў па афіцыйным курсе захаваецца да ўстанаўлення адзінага курсу.
Што да продажы наяўнай валюты, то яна будзе ажыццяўляцца «зыходзячы з аб’ёму падмацавання канкрэтнага абменнага пункта». Паводле слоў Ермаковой,
«валюта ў пунктах абмену валют з’явіцца адразу пасля таго, як банкі захочуць яе купіць па рынкавым курсе на дадатковай сесіі».«Тут усё пераходзіць у кампетэнцыю камерцыйных банкаў, якія будуць працаваць з валютай на рынкавых умовах», — дадала яна.
Кіраўнік Нацбанка заявіла, што продаж валюты на сацыяльныя мэты па афіцыйным курсе на пераходны перыяд захаваецца.
Цяпер чытаюць
18‑гадовы курсант Вайсковай акадэміі з Ляхавіч нікому нічога не сказаў, забраў дакументы і паехаў ваяваць за Расію. Цяпер па ім плачуць2
Каментары