У чацвер ранкам 46-гадовы Арвідас Сабоніс, які аднаўляецца пасля інфаркту міякарда, пераведзены з палаты інтэнсіўнай тэрапіі Каўнаскай кардыялагічнай клінікі ў агульнае аддзяленне.
Літоўскія медыкі сцвярджаюць, што стан здароўя легендарнага баскетбаліста вельмі добры, і ўжо думаюць аб рэабілітацыі. Сабоніс, які пакуль адмаўляецца мець зносіны са СМІ, быў пераведзены ў асобную аднамесцавую палату, дзе правядзе 7-8 сутак.
«Я лічу, што зараз стан яго здароўя вельмі добры. Але ён сур'ёзны пацыент, і яму неабходны спакой. Мы радуемся вынікам, і спадзяемся, што ўсё будзе добра. (...). Для нас гэта вялікая адказнасць, але ў Каўнаскай клініцы сабралася адна з найлепшых каманд медыкаў", - сказаў кіраўнік кардыялагічнай клінікі прафесар Рэмігіюс Жалюнас.
Паводле яго слоў, Сабоніс будзе праходзіць звычайныя працэдуры.
«Усе праходзіць як звычайна. Працэдуры і сродкі - такія ж, як для ўсіх грамадзян Літвы», - сказаў Жалюнас.
Цяпер чытаюць
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку2
Каментары