Хто з палітвязняў можа трапіць пад амністыю?
Міністэрства ўнутраных справаў Беларусі падрыхтавала і накіравала ў Савет Міністраў законапраект аб амністыі, які прадугледжвае вызваленне да 3 ліпеня каля 2800 чалавек. Паводле гэтай амністыі з беларускіх выпраўляльных установаў закрытага тыпу могуць выйсці каля 2100 чалавек, і 700 — з установаў адкрытага тыпу.
Таксама законапраект прадугледжвае магчымасць скараціць тэрміны адбывання пакарання на адзін год для 7000 асуджаных з установаў закрытага тыпу і 900 — з установаў адкрытага тыпу.
Умоваю для вызвалення паводле амністыі ёсць пакрыццё шкоды, нанесенай незаконнымі дзеяннямі асуджанага. Таксама неабходна атрымаць станоўчую характарыстыку з месцаў адбывання пакарання і не мець ранейшага вызвалення ў сувязі з амністыяй.
Праваабаронца Павел Сапелка лічыць, што пад амністыю могуць трапіць некаторыя палітвязні.
«Апошнім часам амністыя пачала праводзіцца кожныя два гады, і пад сёлетнюю маюць трапіць некаторыя палітвязні.
Спадзяемся, што вызваляць Севярынца і Францкевіча, некаторым маюць скараціць тэрмін, але ўсё будзе залежаць ад справаў кожнага асуджанага. Калі будзе воля зверху, то любому палітвязню могуць закрыць выхад», —адзначае праваабаронца.
Цяпер чытаюць
Колькі беларусаў галасавала за Лукашэнку на ранейшых выбарах? Апублікаваныя закрытыя лічбы дзяржаўных апытанняў15
Каментары