Польшча пакуль не плануе рэалізацыі буйных інвестпраектаў у Беларусі, паведаміў у Мінску 12 чэрвеня на канферэнцыі «Польская эканоміка ў 2011 годзе і прагноз на 2012 год» кіраўнік аддзела садзейнічання гандлю і інвестыцыям пасольства Польшчы ў Беларусі Веслаў Пакладэк.
«Гэта звязана з высокай рызыкай рэалізацыі такіх праектаў у Беларусі. Такая ацэнка інвестараў. Што да дробных праектаў, то яны рэалізуюцца, інвестары працуюць», — растлумачыў польскі дыпламат.
Паводле словаў прадстаўніка пасольства, у Беларусі адкрываюцца прадпрыемствы з польскім капіталам, але іх «на парадак менш, чым, напрыклад, у 2010 годзе. Цікавасць крыху знізілася». Ён нагадаў, што ў 2011 годзе з Польшчы ў Беларусь паступіла непасрэдных замежных інвестыцый на $15,8 млн.
Пакладэк упэўнены, што больш актыўнаму прытоку ў Беларусь капіталу з Польшчы і іншых краін будзе спрыяць далейшая лібералізацыя эканомікі, рэформы і рух у бок рынкавых пераўтварэнняў.
На яго думку, станоўча на інвестыцыйныя адносіны Польшчы з Беларуссю паўплывае фактар Мытнага саюза. «Але польскія кампаніі бачаць перспектывы непасрэдна ў АЭП. І тут важнае значэнне будзе мець паступовае ўрэгуляванне ўсіх пытанняў, звязаных як з узгадненнем тэхнічных рэгламентаў, так і ў цэлым з функцыянаваннем АЭП», — сказаў Пакладэк.
Цяпер чытаюць
Дзевяць чалавек памерлі ў Брэсце і Мінску — усім ім уводзілі адныя і тыя ж лекі. У прэпараце знайшлі бактэрыі6
Каментары