20 кватэр на паверсе, «аднапакаёўкі» будуць плошчай 25–30 кв. метраў.
Урад паставіў задачу забяспечыць беларусаў недарагім новым жыллём. Што для гэтага неабходна? Перагледзець тыпавыя праекты і спрасціць планіроўкі, зрабіць жыллё максімальна кампактным, адмовіцца ад «лішнасцяў» у выглядзе кладовак, даўгіх калідораў і прасторных кухняў.
На думку экспертаў, сёння для маладой сям’і без дзяцей дастаткова маламетражкі плошчай 20–25 квадратных метраў. Мяркуючы па ўсім, хутка гэтыя планы пачнуць ператварацца ў жыццё.У ЗАТ «Белзамежбуд» ужо распрацаваны праект першага комплексу жылых дамоў з малагабарытныя кватэрамі.
Як піша «Строительная газета», зараз падбіраецца ўчастак для будаўніцтва комплексу на тэрыторыі Мінска і Мінскага раёна. Пяціпавярховыя дамы будуць складацца з жылых памяшканняў плошчай 25 і 30 кв. м.
«Гэта будзе калідорны тып жылля з агульным адзіным уваходам,— тлумачыць начальнік упраўлення праектных работ ЗАТ „Белзамежбуд“ Вадзім Дражын. — У склад кватэры, якая нагадвае гасцінічны нумар, уваходзіць выдзелены санітарны вузел і жылое памяшканне. Пакой умоўна дзеліцца на зоны: кухонная, абедзенная, працоўная і зона камунікацыі, якая лёгка трансфармуецца ў спальнае месца».
У кампаніі «Белзамежбуд» ўпэўненыя: размяшчэнне такіх дамоў у існуючай забудове не перагрузіць школы і дзіцячыя сады, паколькі на кватэры будуць прэтэндаваць у асноўным сям’і без дзяцей або самотныя грамадзяне.Як адзначае выданне,
кватэры-студыі арыентаваны ў першую чаргу на студэнтаў, маладыя сямейныя пары, пенсіянераў, гэта значыць тых людзей, якія маюць патрэбу ва ўласным жыллі і пры гэтым могуць досыць камфортна пачувацца ў «малагабарытцы».
Галоўная перавага такога тыпу жылля — яго даступнасць. Па некаторых дадзеных, кошт кватэры ў сучаснай «маласямейцы» будзе супастаўны з цаной новага аўтамабіля.
Варта адзначыць, беларускія праекціроўшчыкі — не першапраходцы. Такія праекты рэалізаваныя ў Расіі, Латвіі, Літве, Германіі і іншых краінах, дзе малагабарытныя кватэры будуюць не толькі для таго, каб зрабіць таннейшым жыллё, але і каб падбудаваць яго пад лад жыцця людзей.
Цяпер чытаюць
Беларуска кліча на вяселле зорку «Універа», які за вайну. Упрэгся ўвесь Threads13
Каментары