Гомельскі гарвыканкам абвяргае інфармацыю пра затрыманне старшыні
«Крымінальная справа ў адносінах да Піліпца не заводзілася».
Інфармацыю пра арышт старшыні Гомельскага гарвыканкама Віктара Піліпца распаўсюдзіў партал Tut.by. Але гарадскія ўлады адразу выступілі з абвяржэннем.
"Гомельскі гарадскі выканаўчы камітэт афіцыйна заяўляе аб тым, што інфармацыя, размешчаная на беларускім партале tut.by не праўдзівая", гаворыцца ў заяве гарвыканкама.
Ва ўпраўленні Следчага камітэта па Гомельскай вобласці «Нашай Ніве» паведамілі, што іх ведамствам крымінальная справа ў адносінах да Піліпца не заводзілася. Разам з тым, у канцы ліпеня былі затрыманыя чацвёра супрацоўнікаў Упраўлення камунальнага будаўніцтва Гомельскага гарвыканкама.
Службовыя асобы вінавацяцца ў перавышэнні паўнамоцтваў пры рэалізацыі жылых памяшканняў, якія знаходзіліся ў камунальнай уласнасці.
Віктар Піліпец нарадзіўся ў 1963 годзе ў Калінкавіцкім раёне. Выпускнік селькагаспадарачай акадэміі і Акадэміі кіравання пры прэзідэнце РБ. На пасаду мэра Гомеля ў кастрычніку 2009-га прыйшоў з крэсла памочніка прэзідэнта-галоўнага інспекатара па Віцебскай вобласці. З 1998 па 2007 узначальваў Калінкавіцкі райвыканкам.
З YouTube выдалілі каналы БелТА, СТБ і АНТ. Улады пагражаюць контрмерамі44
Каментары