Яны заклікалі не скасоўваць эканамічныя санкцыі супраць лукашэнкаўцаў.
Каля дзясятка беларусаў з Бельгіі, Нямеччыны ды Францыі пікетавалі будынак Рады Еўропы ў Брусэлі. Сёння міністры замежных справаў краінаў ЕС вырашалі пытанне працягу санкцыяў супраць беларускіх уладаў.
Прысутныя трымалі плакат з надпісамі «Толькі ідыёт можа даваць грошы Лукашэнку. Пуцін?», «Лукашэнка — марыянетка крамлёўскай мафіі», «Свабоду палітвязням» ды раздалі некалькі соцень інфармацыйных буклетаў, дзе заклікалі не скасоўваць эканамічныя санкцыі супраць беларускага рэжыму.
Пікет быў арганізаваны Беларуска-Еўрапейскім Задзіночаннем. Старшыня задзіночання Зміцер Піменаў сказаў "Свабодзе": «Вырашалася таксама пытанне ці пакінуць у «чорным» візавым спісе Еўразвязу цяперашняга міністра замежных справаў Беларусі Уладзіміра Макея і мы дамагаемся, каб пакінуць яго ў гэтым спісе. Ён заслугоўвае таго, каб не мець магчымасці наведваць ЕС».
Да пікетоўцаў падыходзіў былы часовы Павераны ЗША ў Беларусі Джонатан Мур, які, як адзначае Зміцер Піменаў, «размаўляў з намі па-беларуску».
Ціханоўская і Зяленскі ўпершыню правялі сустрэчу. Зяленскі запрасіў Святлану ў Кіеў14
Каментары