Пад Баранавічамі «хуткая» праехала міма «веласіпедыста», што ляжаў на ўзбочыне — відэа
Мясцовая ДАІ ў чарговы раз праверыла кіроўцаў на спагадлівасць.
31 кастрычніка Баранавіцкая ДАІ правяла чарговы эксперымент, піша газета «Intex-press». На адным з участкаў дарогі Баранавічы-Гродна інспектары паклалі манекена на веласіпедзе. Не заўважыць яго было немагчыма: эксперымент праводзілі днём, манекен ляжаў на ўзбочыне.
4 кастрычніка мясцовая ДАІ ўжо ладзіла падобны эксперымент з «пешаходам» на дарозе. Вынікі былі несуцяшальны — каля 80% кіроўцаў праехалі міма.
Гэтым разам кіроўцы былі куды больш спагадлівы. Некаторыя нават патэлефанавалі на «102».
Найбольш уразілі інспектараў дзеянні медыкаў. Па паласе, на краі якой ляжаў «веласіпедыст», праехала аўто «хуткай дапамогі» і нават не спынілася. Гэта пры тым, што побач на дарозе нікога не было.
«Мы нават падумаць не маглі, што «хуткая» можа праехаць міма. Калі б на спецаўтамабілі былі ўключаныя маячкі, можна было б падумаць, што «хумктая» спяшаецца на выклік. Але яны не былі ўключаныя! Ад каго ад каго, але ад медыкаў мы такога не чакалі», – расказалі супрацоўнікі ДАІ, якія сачылі за эксперыментам.
Цяпер чытаюць
Пяць прычын — у тым ліку адна фантастычная, — па якіх беларусам адключылі святло ў гарадах1
Пяць прычын — у тым ліку адна фантастычная, — па якіх беларусам адключылі святло ў гарадах
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары