У Віцебску выбух каля будынка КДБ? Затрымліваюць хлопцаў у капюшонах
Першыя звесткі пра гэта з'явіліся ў сацыяльных сетках каля 2-й гадзіны ночы.
Людзі паведамлялі, што каля будынка КДБ адбыўся выбух, і што затрымліваюць мінакоў-хлопцаў у чорных куртках з капюшонамі.
Прадстаўнік Беларускага Хельсінскага камітэта ў Віцебску Павал Левінаў каля 3.40 раніцы пабачыў каля будынка абласной управы КДБ па вуліцы Савецкай наступную карціну:
«Затрыманыя стаяць тварам да цэнтральнага ўваходу. Справа, каля правага крыла будынка, нацягнуты абмежавальныя стужкі.На пад’ездзе да КДБ стаіць службовы аўтобус, у вокнах гарыць святло. Перад будынкам — некалькі чалавек у цывільным, тэрыторыю ахоўваюць некалькі міліцыянтаў ў форме».
Відавочных пашкоджаньняў будынка праваабаронца не заўважыў. Але вырашыў пацікавіцца ў райаддзеле міліцыі, што вядома пра здарэнне каля КДБ і ці былі затрыманыя.
«Дзяжурны па Кастрычнцкім РАУС адмовіўся пацвердзіць ці абвергнуць інфармацыю пра якое б то ні было здарэнне.Ён сказаў, што не ўпаўнаважаны нешта паведамляць, накіраваў мяне ў прэс-службу МУС Віцебскага аблвыканкама. Адмовіўся паведаміць, ці былі затрыманыя і які іх лёс», — паведаміў Левінаў.
Рэакцыя сеціва
Avis De Miranda: «Адурэць! У Віцебску нешта выбухнула каля КДБ. падрабязнасцяў не ведаю. Толькі што брат вярнуўся дадому — яго сябра павязалі, бо быў у капюшоне. Усіх хлопцаў, якія ў чорнай куртцы з капюшонам, усіх у міліцыю забіраюць зараз. У цэнтры горада нейкі кіпіш, патрулі ходзяць».
Avis De Miranda: «Цяпер толькі ў адным раённым аддзяленні міліцыі ў актавай зале чалавек 50 сядзіць. Усе з капюшонамі».
Nadejda Belskaya: «Зноў правакацыя?»
Натальля Радзіна: «Патэлефанавала ў віцебскі КДБ а 4-й раніцы. Адказалі «Без каментароў».
Vadim Shmygov: «Гэта значыць, Канавалаў-Кавалёў забітыя, а выбухі ў Віцебску працягваюцца? Ок».
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу4
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1717
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх17
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары