У рамках перадвыбарчае кампаніі ў Думу піяршчыкі Саюзу правых сілаў (СПС) выкарысталі ня толькі прэзыдэнта Лукашэнку, але і беларускую апазыцыю.
Менскі запіс праграмы НТВ «Свабода слова» з удзелам Лукашэнкі і Чубайса анансаваўся, яго чакалі, а аднадзённы візыт Барыса Нямцова ў Менск быў неспадзяваным і першым пасьля скандальнай дэпартацыі.
Вечарам 29 лістапада ў сталічнай рэстарацыі «Журавінка» сабраліся апазыцыйныя палітыкі, дэпутаты з групы «Рэспубліка», аналітыкі, праваабаронцы, а таксама паслы Вялікай Брытаніі, Італіі ды дзясяткі журналістаў. Лягчэй сказаць, каго не было: зь лідэраў партый не было Вячоркі, Статкевіча і, натуральна, Беленькага.
У чаканьні Нямцова вядучы «сустрэчы дэпутатаў» генэрал Валеры Фралоў знаёміў прысутных апазыцыянэраў ды весяліў публіку сваімі калямбурамі. Ён паведамляў, што «нашы сябры з Расеі ўжо тут», ды дадаваў, што зь імі пэрыядычна сустракаецца, але часьцей у Маскве. Гэты факт пазьней пацьвердзіў і Нямцоў. Ён імкліва ўвайшоў у залю, павітаўся з Шушкевічам, абняўся зь Лябедзькам...
Поўны варыянт артыкулу глядзіце ў газэце "Нашa Ніва".
Алег Тачоны
Вялікая гутарка з Лесяй Руднік пра сэксізм, мужа-рэслера, заробак доктаркі навук у Швецыі, апазіцыю і памылку Еўрасаюза19
Каментары