Лідэрамі сёлетняй абітурыенцкай кампаніі сталі спэцыяльнасьці «Лінгвістычнае забесьпячэньне міжкультурных камунікацыяў» у БДЭУ (27,8 заявы на месца), «Міжнародныя адносіны» (19,9) і «Псыхалёгія» (15,7) у БДУ. БДЭУ трымае першынство й па агульным конкурсе — 5,5 прэтэндэнта на месца. На другім месцы — мэдунівэрсытэт (5), на трэцім — Гомельскі інжынэрны інстытут МНС (4,8).
Не нашмат меншым, чым на стацыянар, быў конкурс і сярод завочнікаў. Так, у пэдунівэрсытэт імя М.Танка было 3,1 прэтэндэнта на месца. Прычым першае месца ўзяла спэцыяльнасьць «Псыхалёгія. Псыхалёгія прадпрымальніцкай дзейнасьці» (12 заяў на месца), а апошняе — «Геаграфія» (1,46).
Хоць конкурс у ВНУ сёлета быў вышэйшым, чым летась (3 абітурыенты на месца супраць ранейшых 2,7), былі й правальныя спэцыяльнасьці. Наагул не было ахвотных ісьці на спэцыяльнасьць «Дзяржаўнае кіраваньне. Эканоміка» ў Віцебскі ўнівэрсытэт і на «Музэйную справу й ахову гісторыка-культурнай спадчыны» ў Гарадзенскі. Няма пэрспэктыў! Гэтаксама як не адчуваюць абітурыенты пэрспэктыў у сельскагаспадарчых спэцыяльнасьцях: у аграрна-тэхнічным унівэрсытэце конкурс склаў 1,9 чалавека на месца, у Горацкай акадэміі — 1,6, у Віцебскай акадэміі вэтэрынарнай мэдыцыны — 1,5.
Поўнасьцю гэты артыкул можна прачытаць у папяровай і pdf-вэрсіі "Нашай Нівы"
АВ
Каментары