Nieruchomaść88

Jak ciapier vyhladaje handlovy centr, jaki budujuć na miescy Červieńskaha rynku ŭ Minsku

Na miescy Červieńskaha rynku na skryžavańni Majakoŭskaha i Aranskaj u 2024 hodzie płanujuć dabudavać handlova-zabaŭlalny centr. Jak ciapier vyhladaje TZC, pakazaŭ Realt.by.

Fota tut i dalej: Realt.by

Pieršapačatkova zabudavać terytoryju Červieńskaha rynku płanavaŭ iranski inviestar «Dzidas». U 2013 hodzie (a heta ŭžo 10 hadoŭ tamu) rynak źnieśli — i paźniej jon pierajechaŭ u Čyžoŭku. Adnak navat praź niekalki hadoŭ budaŭnictva tak i nie pačałosia. Učastak u irancaŭ u vyniku kanfiskavali i vystavili na aŭkcyjon.

Uvosień 2016 hoda prava zabudavać hetuju terytoryju kupiła kampanija «Silvier Kapitał», jakaja była tady padkantrolnaja biełaruskamu biznesoŭcu Mahamiedu Mahamiedavu (jon suzasnavalnik kompleksu «Halereja Minsk»). Inviestar vyrašyŭ pabudavać tut handlovy centr. Adnak padčas prajektavańnia kompleksu jon sutyknuŭsia z šeraham prablem pa prajekcie, jakija byli likvidavanyja tolki ŭ pačatku 2019 hoda.

Zatym uładalniki «Silvier Kapitał» pradali kampaniju struktury hrupy kampanij «RAPA», jakaja kiruje hipiermarkietami Green. Adpaviedna, joj pierajšoŭ i ŭčastak na byłym Červieńskim rynku. Budaŭnictva TZC pačałosia tut u 2020 hodzie.

TZC płanavali pabudavać u 2023 hodzie, ale budoŭla zaciahnułasia ŭ tym liku praz sankcyi.

Ciapier ścieny i dach TZC užo całkam hatovyja. Zaviaršajecca škleńnie. 

Novy handlova-zabaŭlalny centr budzie płoščaj kala 30 tysiač kvadrataŭ. Raniej mierkavałasia, što dva nižnija ŭzroŭni addaduć pad handal — tam raźmieściacca hipiermarkiet (pa łohicy — «Hryn») i roznyja kramy.

Vyšej mierkavaŭsia dziciačy zabaŭlalny centr, a taksama kafe i kramy dziciačaha adzieńnia. Na apošnim paviersie — fitnes-centr i fud-kort.

Prajekt budynka rabiŭ dziaržaŭny instytut «Minskhramadzianprajekt».

Vyjava: «Minsk-Naviny»

Dabudavać kompleks płanujuć da lipienia 2024 hoda.

Kamientary8

  • Juzik
    26.10.2023
    Jašče adzin. Dzie jany na ŭsie hetyja handlovyja centry pakupnikoŭ nabiarucca?
  • maleńkaja architektarka ciemry
    26.10.2023
    Červieński rynak histaryčny - pieršy rynak Miensku. nie - jaho ź jaho histaryčnaha miesca sahnali i pabudavali zamiest čarhovaje mieha handlova-zabaŭlalnaje niešta. moža apošniaje?
  • Maksim Dizajnier
    27.10.2023
    maleńkaja architektarka ciemry, 

    A nužno było ostaviť staryje sarai i pałatki s kitajskimi łochmoťjami s primierkoj na hazietkie?

Ciapier čytajuć

«Heta takaja drobnaja, ahidnaja pomsta Ramana». Sofja Sapieha raskazała, jak jaje padmanam źniali dla pieradačy Pratasieviča12

«Heta takaja drobnaja, ahidnaja pomsta Ramana». Sofja Sapieha raskazała, jak jaje padmanam źniali dla pieradačy Pratasieviča

Usie naviny →
Usie naviny

19‑hadovy bieraściejec Andrej likvidavany pad Kurdziumaŭkaj22

Ukraina naniesła ŭdar pa štabie armii ŭ Biardziansku. Zahinuli siamiora vajskoŭcaŭ, u tym liku syn hienierała3

Vyžyć na 1500 rubloŭ? Niekatoryja minčanie kažuć, što heta realna11

Estonija z 1 śniežnia zakryvaje miažu z Rasijaj4

U Minsku pradajuć «Žyhuli» z matoram na 300 sił2

Ukraina siońnia źbiła 79 kryłatych rakiet z 84, ale nie maje čym źbivać balistyku1

Padčas rasijskaha ŭdaru pa Lvovie tam była biełaruskaja delehacyja5

«Ludzi pjuć z bałota». Łukašenka aburyŭsia jakaściu vady ŭ Smarhoni4

Fiłasofskija hurtki, «vyšejšyja siły», płatnyja kursy, pašpart hramadzianina Mietahałaktyki — raskryta dziejnaść siekty5

bolš čytanych navin
bolš łajkanych navin

«Heta takaja drobnaja, ahidnaja pomsta Ramana». Sofja Sapieha raskazała, jak jaje padmanam źniali dla pieradačy Pratasieviča12

«Heta takaja drobnaja, ahidnaja pomsta Ramana». Sofja Sapieha raskazała, jak jaje padmanam źniali dla pieradačy Pratasieviča

Hałoŭnaje
Usie naviny →

Zaŭvaha:

 

 

 

 

Zakryć Paviedamić