Na zaharadnym rynku nieruchomaści źjaviŭsia niezvyčajny dla sadovych tavarystvaŭ abjekt. Za 40 kiłamietraŭ ad Minska pradajuć kapitalny cahlany dom, jaki nahadvaje sapraŭdny zamak. Unutry ŭtulny interjer, jość usie nieabchodnyja vyhody, piša Realt.by.
Lecišča raźmieščanaja ŭ Červieńskim rajonie Minskaj vobłaści — u ST «Lira-2». Heta 41 kiłamietr ad MKAD, Mahiloŭski kirunak.
Niezvyčajny dom ź viežaj źjaviŭsia tut u 2008 hodzie. Jak adznačajecca ŭ abjavie, budynak uzvodzili kapitalna i «dla siabie». Nadziejnyja cahlanyja ścieny dazvalajuć padtrymlivać u domie kamfortnuju tempieraturu: letam unutry zachoŭvajecca prachałoda, a ŭ chałodnyja dni budynak dobra ŭtrymlivaje ciapło.
Ahulnaja płošča pabudovy składaje 102 kvadratnyja mietry.
Unutry doma — cikavaja płaniroŭka. Na pieršym paviersie raźmieščanaja dobra abstaŭlenaja kuchnia-haścioŭnia z kaminam. Na druhim uzroŭni znachodzicca prastorny sanvuzieł z bojleram i dušavoj, a taksama sistema zachoŭvańnia rečaŭ.
Dźvie spalni (adna ź ich taksama z kaminam) «schavalisia» na trecim paviersie.
Płošča ŭčastka kala doma składaje krychu bolš za 5 sotak. Sam učastak maje pravilnuju formu i roŭny reljef. Miesca dastatkova dla realizacyi łandšaftnaha dyzajnu, ustalavańnia altanki z zonaj barbiekiu abo vysadki pładovaha sadu.
Tavarystva «Lira-2» znachodzicca ŭ malaŭničym miescy: pobač — les, dzie možna źbirać hryby i jahady. U piešaj dastupnaści raźmieščanyja čystyja aziory, prydatnyja dla kupańnia, vodnych prahułak i rybałki. Pry hetym dabiracca da ŭčastka zručna dziakujučy chutkamu vyjezdu na chutkasnuju Mahiloŭskuju trasu.
Dom ź viežaj pradajuć za 105 tysiač rubloŭ, abo 35 tysiač dalaraŭ pavodle kursu Nacbanka.
Ciapier čytajuć
Naładžvajecca biznes pa afarmleńni rasijanami biełaruskich VNŽ na fiktyŭnych padstavach. Usio dziela kupli aŭto na biełaruskich numarach1
Kamientary