Polšča nie budzie finansavać zakupku zbroi ZŠA dla Ukrainy praz vydatki na ŭłasnuju abaronu
«U nas vysoki deficyt, my šmat tracim na abaronu», — skazaŭ Donald Tusk.
Premjer-ministr Polščy Donald Tusk zajaviŭ, što z-za vysokich vydatkaŭ na ŭłasnuju abaronu kraina pakul nie budzie vyłučać srodki na zakupku amierykanskaj zbroi dla Ukrainy ŭ miežach prajekta PURL, paviedamlaje «Jeŭrapiejskaja praŭda».
Pavodle słoŭ Tuska, jon paviedamiŭ hienieralnamu sakrataru NATA Marku Rute, što Polšča pakul nie budzie ŭdzielničać u finansavańni inicyjatyvy PURL.
«Ja skazaŭ spadaru hienieralnamu sakrataru, što pakul my nie budziem vyłučać srodki na prajekt PURL, u miežach jakoha jeŭrapiejcy vydzialajuć hrošy na amierykanskuju zbroju dla Ukrainy, pakolki my vielmi šmat tracim na ŭłasnaje ŭzbrajeńnie», — skazaŭ Tusk na bryfinhu dla presy paśla niefarmalnaha samitu lidaraŭ ES u Dublinie.
«My vielmi surjozna dapamahali i dapamahajem Ukrainie. U nas vysoki deficyt, my šmat tracim na abaronu. Tamu ja paviedamiŭ, što z punktu hledžańnia finansavych mahčymaściej Polšča bolš nie budzie ŭnosić hrošy, pakolki ŭ nas jość ułasnyja vydatki, źviazanyja ź biaśpiekaj, jakija, mabyć, źjaŭlajucca adnymi z najvyšejšych u Jeŭropie», — dadaŭ kiraŭnik urada Polščy.
30 kastryčnika pres-sakratar Ministerstva zamiežnych spraŭ Hieorhij Cichi paćvierdziŭ infarmacyju pra toje, što Polšča rychtujecca pieradać Ukrainie dva źniščalniki MiH-29 savieckaj vytvorčaści.
U adkaz Ukraina pahadziłasia dać Polščy technałohii dla baraćby z dronami.
10 listapada Ukraina i Polšča padpisali pahadnieńnie ab stvareńni sumiesnych rabočych hrup pa pytańniach technałohij bieśpiłotnych latalnych aparataŭ i procidziejańnia dronam.
Ciapier čytajuć
34‑hadovaha aficera-ideołaha z Hrodna adpravili ŭ kałoniju pa palityčnaj spravie14
34‑hadovaha aficera-ideołaha z Hrodna adpravili ŭ kałoniju pa palityčnaj spravie
U ramkach «novaj architektury biaśpieki» Maskva prapanuje vyvieści jadziernuju zbroju i «Arešnik» ź Biełarusi — infarmacyja pra pieramovy ŭ Abu-Dabi6262
U ramkach «novaj architektury biaśpieki» Maskva prapanuje vyvieści jadziernuju zbroju i «Arešnik» ź Biełarusi — infarmacyja pra pieramovy ŭ Abu-Dabi62
Što znajšli ŭ viaźnicy Kreŭskaha zamka, dzie ŭ 1382‑m zadušyli Kiejstuta? Jana była pachavanaja pad zavałami paśla šturmu Śvidryhajły amal 600 hadoŭ11
Kamientary