U Kanstytucyi KNDR źmianili praporcyi dziaržaŭnaha ściaha. Heta adbyłosia ŭpieršyniu z momantu zasnavańnia respubliki ŭ 1948 hodzie, paviedamiła ahienctva Yonhap.
U tekście Kanstytucyi, apublikavanym na aficyjnym paŭnočnakarejskim internet-partale Naenara, praporcyi i malunak ściaha apisvajucca ŭ artykule 166. Zhodna ź im, dziaržaŭny ściah KNDR «maje šyrokuju čyrvonuju pałasu pasiaredzinie, vuzkija biełyja pałosy źvierchu i źnizu ad jaje, zatym sinija pałosy, a ŭ biełym kruzie kala dreŭka na čyrvonaj pałasie — čyrvonuju piacikancovuju zorku».
Suadnosiny vyšyni i šyryni ściaha składajuć 1:1,65. Jak adznačaje Yonhap, raniej u Kanstytucyi było paznačana suadnosiny 1:2.
Jano zastavałasia niaźmiennym navat paśla ŭniasieńnia kanstytucyjnych papravak u vieraśni 2023 hoda.
Pavodle infarmacyi ahienctva, źmiena adbyłasia na fonie imknieńnia lidara KNDR Kim Čen Yna sfarmavać ułasny styl kiravańnia i nacyjanalnuju identyčnaść, zachavaŭšy pry hetym niekatoryja tradycyi svaich papiarednikaŭ.
Ciapier čytajuć
U ramkach «novaj architektury biaśpieki» Maskva prapanuje vyvieści jadziernuju zbroju i «Arešnik» ź Biełarusi — infarmacyja pra pieramovy ŭ Abu-Dabi5858
Kamientary