Usiaho ŭ stalicy 119 mastoŭ.
U bližejšyja hady ŭ Minsku źbirajucca pryvieści ŭ paradak 12 mastoŭ i puciepravodaŭ. Akramia taho, u horadzie płanujuć pabudavać niekalki novych transpartnych suviaziaŭ. Pra hetyja płany raskazali na naradzie ŭ Minharvykankamie, paviedamlajuć Minsk-naviny.
Ciapier u stalicy naličvajecca 119 mastoŭ i puciepravodaŭ. Pavodle słoŭ dyrektara «Hardarbuda» Siarhieja Panieva, z 2020 hoda adramantavali 28 takich zbudavańniaŭ. Jašče 12 majuć patrebu ŭ abnaŭleńni. Zaviaršyć ramont usich mastoŭ i puciepravodaŭ, na jakich vyjaŭleny defiekty, płanujuć da 2030 hoda. Pry hetym kančatkovy śpis abjektaŭ na 2027 hod pakul farmirujecca.
Siarod zbudavańniaŭ, jakija patrabujuć dadatkovaha abmierkavańnia, — most praź Śvisłač na vulicy Dzianisaŭskaj. Pierad ramontam nieabchodna vyznačyć jaho budučyja habaryty z ulikam hienpłana Minska.
Paralelna ŭ stalicy rychtujucca da budaŭnictva novych puciepravodaŭ. U bližejšych płanach — złučyć vulicy Čurlonisa i Karžanieŭskaha, Siarova i Špileŭskaha, a taksama Maniuški i Malinava. Hetyja prajekty pavinny stać častkaj treciaha transpartnaha kalca.
U 2027 hodzie taksama raźličvajuć pačać raboty pa złučeńni vulic Śvisłackaj i Sialickaha.
A voś puciepravod pamiž vulicami Kaleśnikava i Ratamskaj užo praktyčna hatovy. U bližejšy čas jaho płanujuć vyprabavać, paśla čaho prymuć rašeńnie ab adkryćci ruchu.
Ciapier čytajuć
«Spytali, ja žyvaja ci nie». Biełaruski bjuć tryvohu: im telefanujuć ź milicyi i raspytvajuć pra trup4
«Spytali, ja žyvaja ci nie». Biełaruski bjuć tryvohu: im telefanujuć ź milicyi i raspytvajuć pra trup
U ramkach «novaj architektury biaśpieki» Maskva prapanuje vyvieści jadziernuju zbroju i «Arešnik» ź Biełarusi — infarmacyja pra pieramovy ŭ Abu-Dabi5959
Kamientary