Śpiecyjalist pieraličyła 10 važnych faktaraŭ pry vybary žylla.
Jakija detali ŭ kvatery robiać žyćcio mienš kamfortnaj? Pra heta Myfin raskazała Alena Łaŭryncova, kiraŭnik adździeła pracy z pakupnikami ahienctva nieruchomaści «Maryełt».
1. Pieršy i apošni pavierchi ŭ starych damach.
Na pieršym paviersie byvaje vilhać i ćvil ad sklepa. Tam šumna ad padjezda i vulicy, a minaki mohuć zazirać u vokny. Na apošnim paviersie moža praciakać dach, a ŭletku tam śpiakotna.
2. Kvatery nad kramami, kafe i ofisami.
Tam čuvać muzyku i abstalavańnie, a tavary razhružajuć rana ranicaj abo pozna ŭviečary. Ad ustanoŭ ź ježaj mohuć prychodzić nasiakomyja.
3. Małasiamiejki.
Heta tyja samyja byłyja internaty: šmat susiedziaŭ, i jany časta mianiajucca, u ahulnych miescach šumna i brudna, kurcy dymiać na ahulnych bałkonach. Ułasnaha bałkona časta niama.
4. Nieŭzakonienaja pierapłaniroŭka.
Za jaje mohuć aštrafavać, patrabavać usio viarnuć jak było, a pradać takuju kvateru potym ciažej. Tamu pierad kuplaj treba źvieryć techpašpart z realnaj płaniroŭkaj.
5. Zabrudžanaje pavietra.
Ryełtar nie raić brać kvateru kala pramysłovych pradpryjemstvaŭ i CEC, navat kali jana tannaja. Nie raić jana i vokny na poŭnač, bo tam mała śviatła.
6. Mała parkoŭki.
Tak byvaje i ŭ novych ŽK, naprykład u «Minsk Śviecie», i ŭ starych spalnych rajonach. Da kupli varta pravieryć, kolki tam nasamreč miescaŭ i ci možna kupić abo arandavać svajo.
7. Niama dzie zachoŭvać rečy.
Kali niama kładoŭki, nišy abo harderobnaj, daviadziecca stavić hruvastkija šafy, i jany źjadajuć płošču.
8. Damy ŭzdoŭž MKAD.
Śpiecyjalist žyła kala takoj darohi i pomnić šum udzień i ŭnačy dy pył na voknach. Jana vybrała b cichi zialony rajon.
9. Niama bałkona abo łodžyi.
Tut usio zaležyć ad ładu žyćcia. Bałkon patrebny, kali tam źbirajucca zachoŭvać rečy, adpačyvać abo kuryć.
10. Šmat ułaśnikaŭ.
Niechta ź ich moža nie pahadzicca na prodaž, asprečyć ździełku abo zapatrabavać bolš hrošaj. Bieź jurysta kuplać takuju kvateru ryełtar nie raić.
Ciapier čytajuć
34‑hadovaha aficera-ideołaha z Hrodna adpravili ŭ kałoniju pa palityčnaj spravie13
34‑hadovaha aficera-ideołaha z Hrodna adpravili ŭ kałoniju pa palityčnaj spravie
Što znajšli ŭ viaźnicy Kreŭskaha zamka, dzie ŭ 1382‑m zadušyli Kiejstuta? Jana była pachavanaja pad zavałami paśla šturmu Śvidryhajły amal 600 hadoŭ11
Što znajšli ŭ viaźnicy Kreŭskaha zamka, dzie ŭ 1382‑m zadušyli Kiejstuta? Jana była pachavanaja pad zavałami paśla šturmu Śvidryhajły amal 600 hadoŭ1
U ramkach «novaj architektury biaśpieki» Maskva prapanuje vyvieści jadziernuju zbroju i «Arešnik» ź Biełarusi — infarmacyja pra pieramovy ŭ Abu-Dabi6060
Kamientary