21‑hadovamu Siamionu Małašenkavu, synu prapahandysta «Sputnika» Vasila Małašenkava, prysudzili 4 hady kałonii pa palityčnaj spravie
Chłopca paličyli datyčnym da supołki «Da zoraŭ».
Kulturnickaja supołka «Da zoraŭ» sprabavała aficyjna arhanizoŭvać u Biełarusi kulturnyja padziei kštałtu imprez i kancertaŭ i, jak śćviardžajecca, mieła zamiežnaje finansavańnie. 17 śniežnia 2025 hoda inicyjatyvu «Da zoraŭ» pryznali «ekstremisckim farmavańniem».
Tata Siamiona Vasil Małašenkaŭ — uradženiec Kiemierava. U Biełaruś jon pryjechaŭ u 2004 hodzie, a ŭ nastupnym hodzie ŭ jaho naradziŭsia Siamion.
Małašenkaŭ-starejšy pracavaŭ u roznych dziaržaŭnych ŚMI (kala siami hadoŭ — u ahienctvie BiełTA), a taksama supracoŭničaŭ (i supracoŭničaje) sa Sputnik i MIA «Rośsija siehodnia». Jon prychilnik ruskaha śvietu i «tradycyjnych kaštoŭnaściaŭ», aktyŭny abaronca RPC.
Syn ža, u adroźnieńnie ad baćki, zaradžany na biełaruščynu, jak zhadvaŭ jahony znajomy, błohier Usiasłaŭ Paškievič.
«Biełaruskaja kultura była dla jaho ŭsim. Heta było fienamienalna: takoje ŭražańnie, što jon naradziŭsia sa słovam «Biełaruś» na vusnach. Jon staraŭsia nivodnaj padziei nie prapuskać: vystavy, ivienty, kancerty. Zaradžany na biełaruščynu maksimalna. Nie na minuŭščynu — jaho sučasnaja kultura była cikavaja va ŭsich jaje prajavach, hodnaja muzyka. Jon sprabavaŭ stvaryć jutub-kanał. Jon maksimalna nasałodžvaŭsia tym, što robić».
Ź infarmacyi «Našaj Nivy», Siamiona zatrymali 27 listapada 2025 hoda. Usie jaho staronki ŭ sacsietkach i na internet-płatformach źnikli, usio, što jon stvaraŭ, niedastupnaje.
Ciapier čytajuć
U ramkach «novaj architektury biaśpieki» Maskva prapanuje vyvieści jadziernuju zbroju i «Arešnik» ź Biełarusi — infarmacyja pra pieramovy ŭ Abu-Dabi5757
Kamientary
Z Koŭłam že usio było dahavorena, a hetyja ŭsio lezuć i lezuć.
Śpiecyjalna što li ŭ ciurmu chaciat?
Staronka pierahornuta, žyvi svabodna, ale ž nie - budziem zanimacca ekstrymizmam!