Bałharyja bolš nie budzie ŭdzielničać u novym raŭndzie jeŭrapiejskaha finansavańnia Ukrainy, a taksama pastaŭlać joj zbroju i bojeprypasy z armiejskich zapasaŭ, pra heta zajaviŭ premjer-ministr Bałharyi Rumien Radzieŭ, paviedamlaje RBK-Ukraina.
Radzieŭ zajaviŭ, što ŭ dačynieńni da Bałharyi ciapier dziejničaje pracedura praźmiernaha biudžetnaha deficytu. Akramia taho, kraina sutykajecca ź ciažkaściami ŭ farmiravańni ŭłasnych reziervaŭ, tamu ŭ ciapierašnich umovach nie moža vyłučyć finansavyja srodki.
«Što tyčycca finansavaj dapamohi, to my sami znachodzimsia ŭ pracedury praźmiernaha deficytu, i spadarynia Ursuła fon der Lajen nieadnarazova prasiła nas źnizić deficyt nižej za miažu ŭ 3%», — skazaŭ premjer.
Jon padkreśliŭ, što Bałharyja nie budzie pieraškadžać inšym dziaržavam — členam ES samastojna prymać rašeńni ab pradastaŭleńni finansavaj dapamohi.
U toj ža čas Bałharyja hatovaja abmierkavać miechanizmy, jakija harantavali b vykarystańnie srodkaŭ vyklučna na humanitarnyja patreby, zabieśpiačeńnie elektraenierhijaj i miedycynskuju dapamohu, a nie na zakupku ŭzbrajeńniaŭ.
Kali Bałharyja vystupić u roli haranta, Radzieŭ nastojvaje na ŭkaranieńni miechanizmaŭ, jakija dazvolili b nakiroŭvać srodki niepasredna bałharskaj supolnaści, zasiarodžanaj u šerahu rehijonaŭ Ukrainy.
Premjer taksama dadaŭ, što Bałharyja bolš nie pastaŭlaje Ukrainie zbroju i bojeprypasy z armiejskich zapasaŭ.
Pavodle jaho słoŭ, u 2022 i 2023 hadach bałharskija abaronnyja pradpryjemstvy ažyćciaŭlali ekspart u vielmi vialikich abjomach, adnak paźniej hetyja pakazčyki pastupova źnizilisia.
Radzieŭ patłumačyŭ heta źmianieńniem charaktaru vajny: kali na pačatkovym etapie isnavała vostraja patreba ŭ bojeprypasach, to ciapier popyt pieramiaściŭsia ŭ bok bieśpiłotnych latalnych aparataŭ.
Ciapier čytajuć
34‑hadovaha aficera-ideołaha z Hrodna adpravili ŭ kałoniju pa palityčnaj spravie1
34‑hadovaha aficera-ideołaha z Hrodna adpravili ŭ kałoniju pa palityčnaj spravie
U ramkach «novaj architektury biaśpieki» Maskva prapanuje vyvieści jadziernuju zbroju i «Arešnik» ź Biełarusi — infarmacyja pra pieramovy ŭ Abu-Dabi5959
Kamientary