Doktarka ź minskaj chutkaj dapamohi ździekavałasia z błohierki ź invalidnaściu. A tych, chto pačaŭ zastupacca, abazvała bijaśmiećciem

Palina Kieńko viadzie błoh u instahramie pad nikam polligirl — na jaje padpisana 231 tysiača čałaviek. Błohierka maje invalidnaść — aficyjna jaje dyjahnaz hučyć «fibroznaja dyspłazija levaj vialikahalonačnaj kości». Heta hienietyčnaje zachvorvańnie, pry jakim narmalnuju kaścianuju tkanku častkova zamianiaje fibroznaja (złučalnaja) tkanka. Praz heta kostka stanovicca słabiejšaj, moža defarmavacca ci łamacca.

U dziacinstvie Palina pieraniesła 11 apieracyj — jana nie mahła chadzić, adna naha była istotna karaciejšaja za inšuju, daktary ciahnuli jaje ŭsimi mahčymymi mietadami. 

Pavialičyć

Całkam vyrašyć prablemu nie atrymałasia, ale ŭ vyniku biełaruska moža chadzić samastojna.

Pavialičyć

Niahledziačy na invalidnaść, Palina nie hublaje aptymizmu. Jana raźvivajecca jak błohierka, a taksama zajmajecca chendmejdam i robić upryhožvańni — niadaŭna ŭ Minsku prajšła jaje pieršaja piersanalnaja vystava. Dziaŭčyna hanarycca tym, što moža zarablać samastojna i nie žyvie na dapamohu pa invalidnaści.

Čamuści mienavita jaje vybrała mišeńniu dla kpinaŭ doktarka Natalla Papkova, jakaja pracuje ŭ chutkaj dapamozie ŭ Minsku.

Pavialičyć

Pačała jana z taho, što nijakaja słava nie zamienić Palinie mahčymaść być «paŭnavartasnaj žančynaj». Błohierka była niepryjemna ŭražana tym, što takoje piša miedyk, i paabiacała raspavieści aŭdytoryi pra situacyju. Natalla ž adkazała: «Daktary najlepšyja, a ty bieskarysnaja».

Pavialičyć

Na hetym u svaich ździekach žančyna nie spyniłasia i napisała Palinie: «Heta ty kachańniem nikoli nie zojmiešsia, i dočki ŭ ciabie nikoli nie budzie… Voś heta smutak. Nie zabyvaj pra heta».

Pavialičyć

Nasamreč, heta niapraŭda. Hienietyčnaja chvaroba Paliny nie pieraškadžaje zaciažaryć i naradzić, bolš za toje: jana navat nie pieradajecca ŭ spadčynu. To-bok błohierka maje ŭsie šansy naradzić zdarovaje dzicia — kali zachoča stać maci. Dziŭna, što čałaviek, jaki skončyŭ miedycynski ŭniviersitet, pra heta nie viedaje. 

Pavialičyć

Błohierka apublikavała pierapisku i dadała, što smutak — heta nie kali niama dački, a kali niama rozumu. Natalla paryravała tym, što šeść hadoŭ vučyłasia i jašče dzieviać hadoŭ pracavała — tamu ličyć siabie razumniejšaj.

Pavialičyć

Palina atrymała tysiačy paviedamleńniaŭ sa słovami padtrymki. Jana padkreślivaje, što sama ŭžo vypracavała imunitet na chejt, ale čałaviek, jaki maryć pra dziaciej, ad takich kamientaroŭ niadobrazyčliŭcaŭ moh by i vyjści ŭ akno. 

Pavialičyć

Padpisčyki Paliny aburylisia i vyrašyli pahavaryć z Natallaj nakont taho, što, miakka kažučy, niepryhoža, kali doktar ździekujecca z čałavieka ź invalidnaściu. Doktarka ž adkazvała ŭsim u chamskaj maniery: «Na*j idzi ty i tvaje paviedamleńni, ja doktar, ja najlepšaja. Vy ŭsie bijaśmiećcie».

Pavialičyć

Błohierka raspaviała, što padpisčyki ŭžo paviedamili joj, na jakoj kankretna padstancyi chutkaj dapamohi pracuje Natalla. Palina dumaje ab tym, kab pakazać skrynšoty pierapiski kiraŭnictvu doktarki. Ale tuju heta nie pužaje. Jana ščyra ŭpeŭniena: nichto nie zmoža dakazać, što mienavita jana piša abrazy sa svajho akaŭnta. 

Pavialičyć

Palina ž pryznajecca, što jaje hety vypadak vielmi aburaje i chvaluje. Błohierka adznačaje, što zaŭsiody imkniecca vyhladać pryvabna — ale, niahledziačy na heta, usio ž stała tryhieram dla doktarki.

«Mnie strašna padumać, što jakaja-niebudź lažačaja babula z proležniami, patrapić voś da takoha doktara. Ci zmoža doktar, jakoha tak tryhiernuła ja, akuratny invalid, akazać pieršuju miedycynskuju dapamohu, čałavieku ŭ bolš ciažkim stanie?» — razvažaje Palina.

Błohierka kaža, što praź invalidnaść šmat razoŭ kamunikavała z daktarami, ale z takim hreblivym staŭleńniem sutyknułasia ŭpieršyniu.

• 0
• 0
• 0
• 0
• 0
• 0
• 0
• 0