«Tabie dakučaŭ ja pytańniami, ty mudry davała adkaz…». Hurt «Drazdy» prezientavaŭ dušeŭny klip «Babula»
«Hety prajekt staŭ mahčymym dziakujučy nievierahodnym babulam — žycharkam našaj rodnaj Biełarusi», — paviedamlajecca na staronkach hurta ŭ sacsietkach.
«Nizki pakłon i vialikaja ŭdziačnaść kožnaj hieraini, ich unukam i praŭnukam za toje, što ŭpuścili nas u svaje damy i davieryli samaje patajemnaje — svaje asabistyja historyi. Vy padzialilisia nie prosta ŭspaminami, vy padaryli nam čaścinku svajho siamiejnaha ciapła», — piša hurt, prezientujučy klip na roznych placoŭkach.
Chmarki da soniejka tulacca,
Nizka płyvuć nad ziamloj.
Jak ja sumuju, babulečka,
Pa tych sustrečach z taboj.
Tam u cianiočku kaštanavym,
Pomniu ŭ dziacinstvie nie raz,
Tabie dakučaŭ ja pytańniami,
Ty mudry davała adkaz…
Skažy mnie, babula,
Dzie busieł zimuje,
Čamu koler sini ŭ niabios?
Čamu klon vysoki,
Dzie vodziacca cmoki
I jak heta płakać bieź śloz?
Jak miod robiać pčołki,
Čamu da viasiołki
Ja siońnia dabiehčy nie moh,
Kudy ciakuć rečki,
Z čaho robiać śviečki
Babula, a dzie žyvie boh?
Znoŭ zakukuje ziaziulečka
U našym sadku pa viaśnie.
Tolki nie vyjdzie babulečka
I nie sustrenie mianie.
Tam, dzie śvitanki punsovyja,
Vyljuć tuman na vadu.
Pra našy z babulaj razmovy ja
Cichuju pieśniu składu.
Ciapier čytajuć
U ramkach «novaj architektury biaśpieki» Maskva prapanuje vyvieści jadziernuju zbroju i «Arešnik» ź Biełarusi — infarmacyja pra pieramovy ŭ Abu-Dabi5858
Kamientary