U Minsku raźviałosia šmat varon. Čamu tak i što z hetym rabić?
U apošnija hady žychary Minska ŭsio čaściej zaŭvažajuć pavieličeńnie kolkaści krumkačovych ptušak, u tym liku šerych varon i hrakoŭ. Šum i raskidanyja imi adkidy vyklikajuć niezadavolenaść haradžan, jakija abmiarkoŭvajuć hetuju prablemu ŭ sacyjalnych sietkach, źviarnuŭ uvahu Minski haradski kamitet pryrodnych resursaŭ i achovy navakolnaha asiarodździa. Jon patłumačyŭ, čamu tak adbyvajecca i jak z hetym zmahacca.
Kali raniej varony pieravažna zimavali ŭ haradach, to ciapier jany pastajanna hniazdujucca ŭ skvierach i dvarach.
Asnoŭnymi pryčynami hetaha nazyvajuć dastupnaść ježy, miakki haradski klimat i adsutnaść naturalnych drapiežnikaŭ.
Zhodna z Zakonam «Ab žyviolnym śviecie» i pastanovaj Savieta Ministraŭ Biełarusi ad 30 studzienia 2008 hoda № 126 «Ab abychodžańni ź dzikimi žyviołami i rehulavańni ich raspaŭsiudžvańnia i kolkaści», praduhledžanyja dva asnoŭnyja sposaby rehulavańnia kolkaści ptušak.
Pieršy — biez vydaleńnia ptušak z asiarodździa pražyvańnia.
Dla hetaha mohuć vykarystoŭvacca hukavyja i śvietłavyja adpužvalniki, a taksama ŭ akreślenych vypadkach razburacca hniozdy. Apošniaje dazvalajecca tolki ŭ pieryjad z 15 žniŭnia da 15 lutaha.
Druhi sposab praduhledžvaje adłoŭ abo źniščeńnie ptušak.
Hetym mohuć zajmacca vyklučna śpiecyjalizavanyja arhanizacyi z zachavańniem ustanoŭlenych praviłaŭ i terminaŭ, na padstavie dazvołaŭ Ministerstva pryrodnych resursaŭ i achovy navakolnaha asiarodździa.
Kab vyznačyć, ci nieabchodna rehulavać kolkaść krumkačovych, žycharam prapanujuć źviartacca ŭ miascovyja vykanaŭčyja i rasparadčyja orhany — administracyi svaich rajonaŭ. Śpiecyjalnaja kamisija abśleduje terytoryju i vyznačyć nieabchodnaść, sposaby i terminy adpaviednych mierapryjemstvaŭ.
Samastojna razburać hniozdy, adłoŭlivać abo adstrelvać ptušak, vykarystoŭvać jadachimikaty, zabirać jajki ci ptušaniat zabaroniena. Takija dziejańni źjaŭlajucca niezakonnymi i mohuć mieć pravavyja nastupstvy, a taksama razhladajucca jak naniasieńnie škody navakolnamu asiarodździu.
Pry hetym baraćba z nastupstvami prablemy nie budzie efiektyŭnaj bieź likvidacyi jaje asnoŭnaj pryčyny — dastupnaści charčovych adkidaŭ. U suviazi z hetym u Minsku płanujuć madernizavać infrastrukturu žyllova-kamunalnaj haspadarki i zamianić adkrytyja śmietnicy na sučasnyja kantejniery sa ščylnymi viečkami. Heta praduhledžana schiemaj abychodžańnia z kamunalnymi adkidami.
Dziaŭčyna pamianiała horad na viosku i razvodzić kurej, jakija niasuć kalarovyja jajki
Ptuški taksama pakutujuć ad džetłahu i paśla doŭhich pieralotaŭ źbivajucca z kursu
U handlovym centry pad Minskam naciahnuli sietku dla adłovu ptušak. Naviedniki zabili tryvohu
Kolki kažanoŭ hinie ad vietrakoŭ? Maštab akazaŭsia značna bolšym, čym čakali
Arnitołahi patłumačyli, čamu žuravy dahetul nie adlacieli ź Biełarusi
Ciapier čytajuć
U ramkach «novaj architektury biaśpieki» Maskva prapanuje vyvieści jadziernuju zbroju i «Arešnik» ź Biełarusi — infarmacyja pra pieramovy ŭ Abu-Dabi5757
Kamientary