Paśla pieramoŭ z Pucinym Tramp patelefanavaŭ udzielnikam «kaalicyi achvotnych»
Pra heta paviedamlaje vydańnie Politico sa spasyłkaj na čatyroch jeŭrapiejskich čynoŭnikaŭ, znajomych sa źmiestam razmovy.

19 listapada Tramp patelefanavaŭ jeŭrapiejskim lidaram, jakija ŭdzielničali ŭ sustrečy ŭ Bierlinie. Razmova adbyłasia z borta prezidenckaha samalota Air Force One praź niekalki hadzin paśla pieramoŭ z Pucinym i staršynioj KNR Si Dzińpinam u kitajskim Šeńdženi.
Amierykanski prezident zajaviŭ, što Pucin nibyta surjozna nastrojeny na mirnyja pieramovy pa Ukrainie. Pry hetym Tramp vykazaŭ sumnieŭ u metazhodnaści dalejšaha vydzialeńnia miljardaŭ dalaraŭ na vajskovuju padtrymku Kijeva z boku Kaalicyi achvotnych.
Pa słovach adnaho z udzielnikaŭ sustrečy, Tramp padkreśliŭ, što ŭ vajnie hinie šmat ludziej, a dziaržavy traciać na jaje značnyja srodki, tamu bajavyja dziejańni nieabchodna spynić. Tramp taksama zapeŭniŭ jeŭrapiejskich lidaraŭ, što Pucin hatovy damaŭlacca pra mirnaje pahadnieńnie.
Bieły dom pakul aficyjna hetu infarmacyju nie kamientavaŭ.
Raniej vydańnie Bloomberg paviedamlała, što jeŭrapiejskija čynoŭniki skieptyčna aceńvajuć hatoŭnaść Pucina zaviaršyć vajnu. Jany taksama aścierahajucca, što padčas zakrytych pieramoŭ u Kitai Tramp moh pahadzicca na sastupki, nieprymalnyja dla Ukrainy.
«Pucin i Si nam nie siabry». Jak na Zachadzie reahujuć na samit Trampa ŭ Šeńdženi
Ziać Trampa paviedamiŭ, što Pucin zhodny na harantyi Ukrainie pavodle pryncypu piataha artykuła NATA
«A što drennaha było ŭ Jałcie?» Pucina spytali pra «novuju Jałtu»
Pucin, Tramp i Si pryniali «dekłaracyju ab miry», raskrytykavali ŭ joj Haahski trybunał
Kamientary